IḶUAIAN 29:30 - Alkitab Singog In Mongondow Masa In Tanaa

³⁰ Ki adí i Harun in mobaḻí imang tumoḷuan kon i amá monia bo tumuot kon Ḷoḷaigan-Ku sin mogaid kon ibada kon Yuang Motusi, musti momaké in pakeang tatua pitu nosinggai in koonggotnea.

IḶUAIAN 29:30 Mawu Ofanana

KINOBAḺIAN 8:10

Ki Nuh in nogoḷatpa bui pitu nosinggai nongkon tua, bodongka bui nomuḻi kon ḷagapan paḷoma tatua.

KINOBAḺIAN 8:12

Naonda in nogoḷatpa pitu nosinggai bui nongkon tua, bui in sia nomuḻi kon ḷagapan paḷoma tatua; bo kon tua ḷagapan tatua diádon nobui mangoi kon inia.

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 29:29

Pakeang i Harun saḷaku imang musti popoponag kon i adínea mita, sinbá motaau pakéon monia kon tungkuḷ in pomaḻían kon i monia imang.

IḶUAIAN 29:31

Gamádon in tapú in domba koḷakian inta pinaké kon upacara pinoduían imang kon i Harun bo kon i adínea mita bo dungúdon in ponoyá tatua kon tampat tobatú inta motusi.

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

YEHEZKIEL 43:26

Pitu nosinggai in koonggotnea imang mita in musti mogaid kon upacara ponoimpaḷutan kon mezbah tatua bo moposadia sinbá motaau pakéon.

IMAMAT 13:5

Kon singgai noginpitu, sia musti taridion buí i imang. Bo aka sinaridinea mako bo panyaki tatua umuranpabí tongá natua bo diábí iḷumekep magí mako, yo intau tatua in buipa doman potontaní kon bonu in pitu nosinggai.

IMAMAT 16:32

Imang Moḷoben, inta ain binaḻí bo inta ain sinantú kon i Allah sin momaḷui kon i amánea, musti mogaid kon upacara pondaritan tatua. Sia musti momaké in pakeang inta ain sinantú,

IMAMAT 9:1

Tosinggai naonda in upacara pinomaḻían kon imang tatua nopaḷut, kon singgai noginwaḷu, ki Musa nogoiní kon i Harun bo kon i adínea mita takin itoi mita in bangusa Israel.

IMAMAT 9:8

Dá minayádon in ki Harun kon mezbah bo noratá kon sapi koḷakian inta baḻíon kuruban potobut kon dosanea tontaní.

PINOGIAPAN 20:28

Bo iḷongkutdon i Musa in pakeang i Harun bo pinoḷutudnea kon i Eleazar. Kon tudu in buḷud tatua ki Harun minatoi, onda intua ki Musa bo ki Eleazar nosiḻigdon bui.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.