IḶUAIAN 29:27 - Alkitab Singog In Mongondow Masa In Tanaa

²⁷ Kon bonu in upacara poduían kon imang tatua, dodob bo paa in domba koḷakian inta pinaké kon bonu in upacara tatua musti posumba mobaḻí sosumba potamad kon i-Nakó bo poyotondíon nongkon silai in imang mita.

IḶUAIAN 29:27 Mawu Ofanana

IḶUAIAN 29:26

Gamádon dodob in domba koḷakian tatua bo posumbadon mobaḻí sosumba inta potamad kon i-Nakó. Bo tuata in silaimu.

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

IMAMAT 10:15

Páa inta kon sosumba pinonangoi bo dodob inta kon sosumba sinonoi tatua musti diaan poyotakinon in ḷongó inta baḻíon kuruban tubáan mobaḻí sosumba ponangoi kon i Tuhan. Tua mita in nobaḻíbí silaimu bo i adímu mita dapot kon ompu mita, ná inta ain pinotaau i Tuhan.”

IMAMAT 7:30

Sia tontaní in musti modia kon kuruban kaanon tatua. Ḷongó bo dodob in mahaḷuk tatua musti posumba mobaḻí sosumba inta sinonoi kon i Tuhan.

IMAMAT 7:37

Natuata in atorang mita pogogaid kon kuruban inta tubáan, kuruban oḷudon, kuruban potobut kon dosa, kuruban toḻiu in karugian, kuruban ponabisan bo kuruban dodamean.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.

PINOGIAPAN 18:11

Bayongan sosumba inta ain sinantú ibanea inta pinosumba in intau in Israel kon i-Nakó, tua in kon inimu doman. Ogoi-Ku intua kon inimu bo kon i adímu ḷoḷaki bo bobay mita. Atorang tatua in musti umuran diaan modapot kon adí bo ompu. Bayongan tombonu in baḷoi inta diá nonajis motaaubí mokaan kon tua.

PINOGIAPAN 6:20

Bo ki imang musti moguman kon kaanon tatua in nobaḻídon oogoi inta ain sinantú kon i Tuhan; tua in silai motusi inta nobaḻí silai i imang, dodob bo paa in domba koḷakian tua in nobaḻí silai i imang podudui in atorang. Bain mopaḷut mako kon tua nazir tatua motaaudon monginum kon tubig in anggur.

ULANGAN 18:3

Aka intau tobatú moposumba in kuruban sapi ande domba, dá paanea kon muna, ayoi bo sian in bobiagon tatua musti ogoi kon i imang mita sin mobaḻí tonsilai monia.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

SAMUEL 1 9:24

Bo mododungú tatua nogamá kon tongosilai inta totok in mopia nongkon tapú in paa, bo inoḷudnea kon tayowon i Saul. Samuel noguman: “Naa in tonsilai inta sinondíku kon inimu sin kaanonmu tanaa mako moyotakin in intau mita inta sinoko oiní ibanea. Pongaandon uḻe.” Bo nongaandon in ki Saul. Dá kon singgai tatua ki Saul in nongaan noyotakin i Samuel.