IḶUAIAN 29:26 - Alkitab Singog In Mongondow Masa In Tanaa

²⁶ Gamádon dodob in domba koḷakian tatua bo posumbadon mobaḻí sosumba inta potamad kon i-Nakó. Bo tuata in silaimu.

IḶUAIAN 29:26 Mawu Ofanana

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 29:27

Kon bonu in upacara poduían kon imang tatua, dodob bo paa in domba koḷakian inta pinaké kon bonu in upacara tatua musti posumba mobaḻí sosumba potamad kon i-Nakó bo poyotondíon nongkon silai in imang mita.

IMAMAT 14:12

Ki imang musti mogamá kon ki adí in domba koḷakian inta tobatú tua takin noyoḷomboi monag in liter in ḷana zaitun sin baḻíon kuruban toḻiu in karugian, posumbanea mobaḻí sosumba tonoion kon i Tuhan.

IMAMAT 7:30

Sia tontaní in musti modia kon kuruban kaanon tatua. Ḷongó bo dodob in mahaḷuk tatua musti posumba mobaḻí sosumba inta sinonoi kon i Tuhan.

IMAMAT 7:31

Ki imang musti motubá kon ḷongó in mahaḷuk tatua kon tudu in mezbah, táe dodobnea in nobaḻíbí silai in imang mita.

IMAMAT 7:34

Dodob bo páa koḷanan in nobaḻí oogoi husus inta ginamá i Tuhan nongkon sosumba sinonoi in bangusa Israel bo ogoi kon imang mita. Tuata in umuran mobaḻí pinononsilai in bangusa Israel kon imang mita.

IMAMAT 8:29

Bo ki Musa in nogamá kon dodob in domba tatua bo pinosumbanea mobaḻí sosumba tonoion kon i Tuhan. Tuata in silai i Musa nongkon domba koḷakian inta pinokuruban kon upacara pinomaḻían kon imang. Tua komintan inaidan i Musa notongkai ná inta ain pinoguman i Tuhan kon inia.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.