IḶUAIAN 29:25 - Alkitab Singog In Mongondow Masa In Tanaa

²⁵ Bo gamádon in roti nongkon i monia bo tubádon kon tudu in mezbah, kon tudu in kuruban inta sinubá tatua. Rongingi in kuruban tatua mokosanang kon gina-Ku.

IḶUAIAN 29:25 Mawu Ofanana

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 29:18

Poposumbadon in bayongan domba koḷakian tatua kon tudu in mezbah mobaḻí kuruban inta sinubá. Rongingi in kuruban tatua mokosanang kon gina-Ku.

IḶUAIAN 29:24

Pokikadaidon in bayongan kaanon mita tatua kon i Harun bo kon i adínea mita bo pokidiadon kon i monia mamangoi kon i-Nakó mobaḻí sosumba inta pinotamad.

IḶUAIAN 29:41

Ki adí in domba inta posumba ḷoḷabungnea in musti pokuruban potongkaion ná inta doḷo-doḷom, takinan doman in topong, ḷana zaitun bo tubig in anggur. Rongingi in kuruban sinubá tatua mokosanang kon gina-Ku.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 10:13

Roti tatua musti kaanon kon tampat inta motusi, sin nongkon kaanon inta pinosumba kon i Tuhan, roti tatua in nobaḻí silaimu bo i adímu mita inta ḷoḷaki. Tua in parenta i Tuhan kon inakó.

IMAMAT 2:11

Kuruban sosumba inta inogoi kon i Tuhan diábí motaau in bauian biluk ande ragi, sin biluk bo ragi, diábí motaau tubáan sin posumba kon i Tuhan.

IMAMAT 2:16

Imang musti motubá kon tongosilai in gandum bo ḷana tatua takin bayongan kamanianea, mobaḻí tompoingat kon tua komintan aindon pinosumbanea kon i Tuhan.

IMAMAT 2:2

Musti diaan in intau tatua kon imang mita inta buí i Harun. Imang moḷoben inta mogaid kon oaidan tatua musti mogamá kon toyoyangkom in topong tatua takin ḷana zaitunnea bo bayongan kamanianea, bodongka tubáannea intua kon tudu in mezbah mobaḻí tompoingat kon tua komintan aindon pinosumba kon i Tuhan. Rongingi in kuruban kaanon tatua mokosanang kon gina i Tuhan.

IMAMAT 2:9

Imang in mogamá kon tosilai nongkon roti tatua bodongka tubáannea kon tudu in mezbah mobaḻí tompoingat kon bayongan tua aindon pinosumba kon i Tuhan. Ronginginea mokosanang kon gina i Tuhan.

IMAMAT 3:11

Ki imang inta mogaid kon oaidannea musti motubá kon tua mita kon tudu in mezbah sin mobaḻí kuruban kokaanon kon i Tuhan.

IMAMAT 3:14

Aka kuruban kokaanon ogoi kon i Tuhan, yo imang musti mogamá kon naa nongkon bembé tatua bo posumba: ḷongó inta noibakut kon bonu in siannea,

IMAMAT 3:16

Imang inta mogaid kon oaidannea musti motubá kon tua mita kon tudu in mezbah. Rongingi in kokaanon tatua mokosanang kon gina i Tuhan. Bayongan ḷongó in mahaḷuk tatua ogoi posumba kon i Tuhan.

IMAMAT 3:3

Aka pakéon kuruban dodamean kon i Tuhan, dá gamáan i imang naa nongkon biag tatua bo posumba: ḷongó inta noibakut kon siannea,

IMAMAT 3:5

Tua komintan poyotakinon in kuruban mita tubáan ibanea, musti tubáan kon tudu in mezbah. Rongingi in kuruban kokaanon tatua mokosanang kon gina i Tuhan.

IMAMAT 3:9

Aka pakéon kuruban dodamean kon i Tuhan, dá musti in ki imang moposumba in naa: ḷongó in domba tatua, iputnea takin ḷongónea inta pinongkó dapot in tuḷan nonoyannea, ḷongó inta noibakut kon bonu in siannea,

IMAMAT 7:25

Intau inta mokaan kon ḷongó in mahaḷuk inta motaau posumba mobaḻí kuruban kaanon kon i Allah, yo intau tatua in diá bidon poyoiapon umat i Tuhan.

IMAMAT 7:5

Tua mita musti tubáannea kon tudu in mezbah mobaḻí kuruban kaanon kon i Tuhan. Kuruban tatua in nobaḻí kuruban toḻiu in karugian.

IMAMAT 8:28

Mopaḷut mako kon tua ki Musa mogamá kon kaanon tatua nongkon imonia bo tubáannea kon tudu in mezbah, poyotakinon in kuruban inta tubáan sin pakéon mobaḻí kuruban pomaḻían kon imang. Rongingi in kuruban kaanon tatua mokosanang kon gina i Tuhan.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.