IḶUAIAN 29:20 - Alkitab Singog In Mongondow Masa In Tanaa

²⁰ Bo ratádon in domba koḷakian tatua, gamá in dugúnea topiḻik bo poḻepodon kon bongoḷan koḷanan i Harun bo i adínea mita, ḻepoai doman in ki iná in ḻima bo ki iná in sioḷ monia dotá in koḷanan. Ki agat in dugú tatua musti pobutakmu kon sí opat in mezbah tatua.

IḶUAIAN 29:20 Mawu Ofanana

IḶUAIAN 29:19

Gamádon in domba koḷakian inta tobatú, domba inta pinaké kon upacara pinoduían kon imang. Pogumandon kon i Harun sinbá sia takin ki adínea mita mopoukat in ḻima monia kon uḷu in biag tatua.

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

YESAYA 50:5

Ki Tuhan in nobogoi kon inakó in pomomangaḻe; akuoi in diábí nomarontak andeka nonoḻikud kon i-Nia.

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

IMAMAT 14:14

Ki imang in musti mogamá kon dugú adí in domba topiḻik bo poḻeponea kon bongoḷan koḷanan, kon ki iná in ḻimanea koḷanan bo kon ki iná in sioḷnea koḷanan in intau inta pinoniatadon kon nodarit tatua.

IMAMAT 14:16

Naonda in mopaḷut mako sia mopoḷodok in gongguyamú in ḻimanea koḷanan kon bonu in ḷana, bo popopisik kopitu kon bonu in Ḷoḷaigan i Tuhan.

IMAMAT 14:17

Bo ḷana topiḻik inta kon ḻimanea musti poḻeponea kon tampat mita inta ain iḻepoannea in dugú, inta kon bongoḷan koḷanan, kon ki iná in ḻima koḷanan, bo ki iná in sioḷ koḷanan in intau inta poniata kon modarit.

IMAMAT 14:25

Bo ki imang musti moratá kon ki adí in domba tatua bo mopoḻepo in dugú topiḻik kon bongoḷan koḷanan, kon ki iná in ḻima koḷanan, bo kon ki iná in sioḷ koḷanan in intau inta poniata kon nodarit.

IMAMAT 14:28

Bo ḷana topiḻik inta kon ḻimanea musti poḻepo kon tampat mita inta ain iḻepoan in dugú, inta kon bongoḷan koḷanan, kon ki iná in ḻima koḷanan bo kon ki iná in sioḷ koḷanan in intau inta poniata kon nodarit.

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:19

Musti gongguyamúnea tontaní in pakéonnea mopopisik in dugú topiḻik kopitu kon tudu in mezbah. Natuata in pogogaid ki Harun mondarit kon mezbah nongkon kinonajisan in bangusa Israel, sinbá mobaḻí modarit.

IMAMAT 8:23

bodongka ratáan i Musa. Mopaḷut mako kon tua sia mogamá kon dugú in mahaḷuk tatua topiḻik, bo poḻeponea kon bongoḷan koḷanan i Harun, kon ki iná in ḻimanea koḷanan, bo ki iná in sioḷnea koḷanan.

IMAMAT 8:24

Onda intua sia mopotabá kon i adí mita i Harun dimiug, bo ḻepoannea doman in dugú topiḻik kon bongoḷan monia koḷanan, kon ki iná in ḻima monia koḷanan, bo kon ki iná in sioḷ monia koḷanan. Kiagat in dugú tatua popobutaknea kon sí opat in mezbah.

MARKUS 7:33

Intau bongoḷ bo bobó tatua dinia i Yesus pinotontaní kon intau nobayong bo pinobonunea in gongguyamú in ḻima-Nea kon bongoḷan in intau tatua, onda intua nonduyá in Sia bo iyapu-Nea in dilá intau tatua.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.