IḶUAIAN 29:14 - Alkitab Singog In Mongondow Masa In Tanaa

¹⁴ Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

IḶUAIAN 29:14 Mawu Ofanana

TAWARIKH 2 29:24

Nopaḷut mako kon tua bembé mita tatua iratá in imang mita bo dugúnea in pinopobutak kon mezbah nobaḻí kuruban pongampung kon dosa in bayongan rayat. Tua in inaidan monia sin ki datu in nomarentadon sinbá moposumbadon in kuruban payongon bo kuruban pongampung kon dosa kon bayongan in rayat in Israel.

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.

IḶUAIAN 30:10

Komintan in totaong ki Harun musti mogaid kon upacara pondaritan kon mezbah takin mopopisik kon tungoi opat in dugú in biag inta pinokuruban sin pongampungan kon dosa. Tua in musti pomiaan pomuḷoi in taong dapot kon adí bo ompu. Mezbah tatua musti motusi komintan bo tongábí kon i-Nakó.”

YEHEZKIEL 43:21

Onda intua, gamádon in sapi koḷakian inta pakéon potobut kon dosa tatua, bo tubádon kon tampat inta ain sinantú, inta kon ḷuai in tampat motusi kon Baḷoi Tuhan.

IMAMAT 16:11

Naonda in ki Harun moposumba bo moratá kon sapi koḷakian inta nobaḻí kuruban potobut kon dosanea bo tombonu in baḷoinea,

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 4:21

Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

IMAMAT 4:25

Imang musti mopoḷodok in gongguyamúnea kon bonu in dugú in mahaḷuk tatua bodongka poḻeponea kon tungoi mita kon siku in mezbah bo ki agatnea pobutak kon datoḷan in mezbah.

IMAMAT 4:29

Sia in musti mopoukat in ḻimanea kon uḷu in mahaḷuk tatua, bodongka ratáannea kon dotá in utuan mezbah tampat pororataan kon mahaḷuk inta pokuruban mobaḻí kuruban tubáan.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 4:32

Aka intau tobatú mopokuruban in domba tobatú mobaḻí kuruban potobut kon dosanea, dá domba tatua musti kobaayan inta mopia.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

IMAMAT 5:8

Ḷagapan mita tatua in mustibí diaan kon i imang. Ki imang in musti muna moposumba in ḷagapan inta ain sinantú baḻíon kuruban potobut kon dosa. Sigogow in ḷagapan tatua musti pitoion, táe diábí kobontowon.

IMAMAT 6:25

mopotaau kon i Harun bo kon i adínea mita in atorang mita tanaa soaḷ kuruban potobut kon dosa. Mahaḷuk inta baḻíon kuruban potobut kon dosa musti ratáan kon tampat pororataan kon mahaḷuk inta nobaḻí kuruban tubáan. Kuruban tatua motusi totok.

IMAMAT 8:17

Táe tapú in sapi tatua, kuḻitnea, bonu in sian ibanea moitakin doman in kompongnea, dá komintan sapi tatua koḻikudon inta ain sinontaní in tubáanneadon kon ḷuai in ḷoḷaigan ná inta pinoki aid i Tuhan.

IMAMAT 9:2

Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

PINOGIAPAN 19:5

Bayongan bobiagon tatua, takin kuḻit, tapú, dugú bo bonu in awaknea, musti payongon kon tayowon i imang.