IḶUAIAN 29:1 - Alkitab Singog In Mongondow Masa In Tanaa

¹ “Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:1 Mawu Ofanana

TAWARIKH 2 13:9

Imang mita i Tuhan bo buí i Harun bo intau mita in Lewi in sinokountundon monimu komintan! Bo toḻiunea kon tua, ki inekabí in moibog mobaḻí imang, asaḷ bo modia in sia kon sapi tobatú andeka domba pitu, yo baḻíondon monimu imang kon i inta deemanbí ki Allah, sin natuabí in oaid in bangusa mita ibanea moduí kon imang monia. Táe kami in diábí nogaid kon natua.

IḶUAIAN 12:5

Moiko in motaaubí momiḻí kon domba ande bembé, táe musti koḷakian, umurnea in totaongdon, bo inta notaka.

IḶUAIAN 20:11

Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 28:3

Oinídon in bayongan mododagum inta ain inogoian-Ku in pandoi. Pokiaidaidon in mosia in pakeang i Harun sinbá motaaudon in sia tondíon-Ku tongá mogaid kon oaidan-Ku mobaḻí imang.

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

YEHEZKIEL 43:23

Aka mopaḷutdon aidanmu intua, gamádon in sapi koḷakian tobatú batánea bo bembé koḷakian tobatú batánea, tumpaḷa diá in bogitnea,

IMAMAT 14:11

Bo sia musti diaan i imang takin sosumbanea tatua pobayá in tayowon ngara in Ḷoḷaigan i Tuhan.

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 22:20

Dika moposumba in mahaḷuk inta nobogit, sin ki Tuhan doíbí motarima kon tua.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 6:6

Mobaḻí kuruban toḻiu in karugian, dá intau tatua musti moposumba in domba tobatú ande bembé koḷakian inta totok in mopia bo boḻinea in iapon podudui in pogogiap kon boḻi inta sinantú kon Ḷoḷaigan i Tuhan.

IMAMAT 7:35

Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

IMAMAT 8:1

Ki Tuhan noguman kon i Musa,

IMAMAT 9:2

Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.