IḶUAIAN 28:41 - Alkitab Singog In Mongondow Masa In Tanaa

⁴¹ Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IḶUAIAN 28:41 Mawu Ofanana

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 28:4

Pokiaidai doman in mosia in oḻingoi in dodob, epod, jubah, ḷambung inta iḷambáan, kaeng suruban bo baan. Ki Harun ki guya-guyangmu takin ki adínea mita musti pogaidan monia kon pakeang imang sinbá mosia in motaau mobantung kon i-Nakó mobaḻí imang.

IḶUAIAN 29:24

Pokikadaidon in bayongan kaanon mita tatua kon i Harun bo kon i adínea mita bo pokidiadon kon i monia mamangoi kon i-Nakó mobaḻí sosumba inta pinotamad.

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 30:35

Pakédon intua komintan pogaid mobaḻí dupa inta mobondu. Dugangai doman in simuton sinbá dupa tatua umuran momurni bo motaau pakéon posumba kon i-Nakó.

IḶUAIAN 40:13

Ḷutudaidon in pakeang imang kon i Harun, bo butakaidon in ḷana upacara in sia sinbá sia tantúondon tongá mogundoi kon oaidan-Ku mobaḻí imang.

IḶUAIAN 40:15

Bo butakai domandon in ḷana in mosia ná ki amá monia, sinbá mosia mobaḻí doman imang inta mogundoi kon i-Nakó. Pinongin mopobutak in ḷana ná tatua, suku monia in umurandon mobaḻí imang modapot kon adí bo ompu monia”.

YESAYA 10:27

Kon tungkuḷ intua Akuoi in mopoḷuatdon kon i monimu nongkon pinondorotan in Asyur, bo mosia in diá bidon mongawasa kon i monimu.”

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEHEZKIEL 43:26

Pitu nosinggai in koonggotnea imang mita in musti mogaid kon upacara ponoimpaḷutan kon mezbah tatua bo moposadia sinbá motaau pakéon.

IMAMAT 10:7

Dika monaḷámai kon Ḷoḷaigan i Tuhan sinbá diá matoi in moiko, sin moiko aindon binaḻí imang takin ininggúan in ḷana upacara sin mogaid kon oaidan i Tuhan.” Mosia in nogaid kon ná inta ain pinoguman i Musa.

IMAMAT 16:24

Bo sia musti moinggú kon tampat tobatú inta ain sinantú bo moḷutúdon bui kon pakeangnea tontaní. Mopaḷut mako kon tua sia musti ḷumuai bo moposumba in kuruban tubáan sin pongampung kon dosanea tontaní bo dosa in bangusa Israel.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 3:3

Mosia binaḻí imang pinongin upacara pinomutakan in ḷana kon uḷu.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

IBRANI 5:4

Diábí in tobatúmai intau in gumogina in umaḻí Imang Moḷoben sin intau mobaḻí imang, aka moibog in ki Allah mogoiní kon inia bo mokiaid in oaidan tatua, ná ki Harun.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.