IḶUAIAN 28:38 - Alkitab Singog In Mongondow Masa In Tanaa

³⁸ Ḷambá buḷawan tatua musti pakéon i Harun kon pogotnea sinbá Akuoi, ki Tuhan, moibog motarima kon bayongan in sosumba inta dinia intau Israel kon i-Nakó, umpaka kon dodai in mosia nodia kon sosumba tatua mosia ain nogaid kon inta noitaḷá.

IḶUAIAN 28:38 Mawu Ofanana

IḶUAIAN 28:37

Popotogotdon intua kon suruban, togot in tali nobidu.

IḶUAIAN 28:43

Soḷana tatua musti umuran pakéon monia kon dodai in mosia tumuot kon Ḷoḷaigan-Ku ande dimiug kon mezbah sin mogaid kon ibada mobaḻí imang kon Yuang Motusi, sinbá mosia in diá matoi sin popisí in koontongan awak monia inta diá motaau ontongon tua. Atorang tatua umuran popaké kon i Harun bo kon buínea mita.”

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

YESAYA 60:7

Bembé domba in Kedar diaan kon inimu domba koḷakian nongkon Nebayot sinadia pakéon kon ibadamu. Kuruban tatua in mokosanang kon gina i Tuhan Baḻíon-Nea morame in Baḷoi-Nea inta nopuḻing in kamuliaan.

IMAMAT 1:4

Bo sia in musti mopoukat in ḻimanea kon uḷu in biag tatua, dá sosumbanea in tarimaan i Tuhan mobaḻí pongampung kon dosanea.

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 22:16

takin mopomayá mako intua kaanon in intau inta diá motaau mokaan kon tua. Oaid tatua mokopomuká kon taḷá kon intau inta mokopoangoi kon hukuman kon inia. Akuoi naa in ki Tuhan, bo Akuoi in nopotusi kon sosumba tatua.”

IMAMAT 22:9

Bayongan imang musti dumudui kon atorang mita inta inogoi-Ku. Aka diá dumudui, yo moitaḷádon in mosia bo matoi, popisí in noḷawangdon kon atorang mita inta motusi tatua. Akuoi in ki Tuhan, bo Akuoi naa inta ain nonantú kon i monia mobaḻí mogogundoi-Ku.

IMAMAT 23:11

Kon singgai mopaḷut mako singgai in Sabat, ki imang musti moposumba in gandum tatua mobaḻí sosumba inta tonoion kon i Tuhan, sinbá mopia in gina i Tuhan kon inimu.

PINOGIAPAN 18:1

Ki Tuhan noguman kon i Harun, “Iko, adímu mita bo intau mita in Lewi musti mobaba kon bungai in oaid monia inta moitaḷá inta mobaḻí kon Ḷoḷaigan-Ku, táe tongádon iko bo adímu mita in musti mobaba kon taḷá mita kon bonu in oaidan in imang mita.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.