IḶUAIAN 28:36 - Alkitab Singog In Mongondow Masa In Tanaa

³⁶ Pomiaaidon kon ḷambá nongkon buḷawan bo pais popokurig in tosingogon tanaa: ‘Tongábi ogoi kon i Tuhan’.

IḶUAIAN 28:36 Mawu Ofanana

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

MAZMUR 93:5

Tuhan, hukum-Mu in mononoi, Baḷoi-Mu in motusi kinoouput in dunia.

IḶUAIAN 19:6

bo sinondí-Ku kon i-Nakó tontaní, bo moiko in mobantung kon i-Nakó mobaḻí imang mita.”

IḶUAIAN 28:35

Jubah tatua musti pakéon i Harun aka sia mogaid kon oaidannea mobaḻí imang. Aka mamangoi in sia kon tayowon-Ku kon Yuang Motusi ande monaḷámai kon tampat tatua, yo kodongogandon in giring-giring tatua, sinbá diá matoi in sia.

IḶUAIAN 28:37

Popotogotdon intua kon suruban, togot in tali nobidu.

IḶUAIAN 28:9

Pogamá kon batu delima doyowa. Potayakdon kon intau inta mopandoi monontaḷ kon buḷawan sin popokurig in pais in tangoi i adí mita i Yakub inta mopuḷú bodoyowá kon batu podudui in umur monia, togogonom in kon batu tobatú. Bo batu permata doyowa tatua musti bongkowon in buḷawan bo poukat kon tontogot in obaga in ḷambung epod mobaḻí tanda tompoingat kon suku Israel inta mopuḷú bodoyowá. Natuata in pinododia i Harun kon tangoi monia inta ain pinopokurig kon batu inta kon obaganea, sinbá Akuoi ki Tuhan, umuran mokotorop kon i monia.

IḶUAIAN 29:6

Popobogotdon in surubannea tatua bo potomot domandon in ḷambá buḷawan takin pais kinurig ‘Tongá ogoi kon i Tuhan’.

IḶUAIAN 39:27

Mosia in nomia doman kon ḷambung kon i Harun bo kon i adínea mita,

IḶUAIAN 39:30

Pinomiaan doman kon ḷambá nongkon buḷawan totokea, nobaḻí tomponuot kon mosia aindon sinondí sin mogundoi kon i Tuhan. Kon ḷambá tatua inukirdon in tosingogon tanaa “Sinondí mogundoi kon i Tuhan”

IḶUAIAN 39:31

Ḷambá tatua pinokompit kon suruban inta kon dotá in munanea, pinodudui kon parenta i Tuhan kon i Musa.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

YEHEZKIEL 43:12

Naa in sipat totokan in Baḷoi Tuhan: Bayongan in butá kon diugnea kon tudu in buḷud in totok in motusi.”

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

IMAMAT 8:9

Bo pinopobogotneadon kon uḷu i Harun in bogot in uḷu, bo pinopotomot domandon kon bogot in uḷu tatua in ḷambá buḷawan, inta nobaḻí tanda kon ki Harun ain nobaḻí kapunyaan i Tuhan. Tua mita inaidan i Musa podudui in parenta i Tuhan kon inia.

ZAKHARIA 14:20

Kon singgai tatua lonceng mita kon ḷambung in kabaḷo in kurigondon in tosingogon mita “Sinondídon kon i Tuhan” Pansi mita kon Baḷoi i Tuhan in horomaton naonda bo palo mita in sosumba kon tayowon in mezbah.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.