IḶUAIAN 28:29 - Alkitab Singog In Mongondow Masa In Tanaa

²⁹ Kon dodai in ki Harun tumuot kon tampat motusi, musti diaannea in tangoi in suku mita Israel inta pinopokurig kon oḻingoi in dodobnea, sinbá Akuoi, ki Tuhan, umuran mokotorop kon umat-Ku.

IḶUAIAN 28:29 Mawu Ofanana

IḶUAIAN 28:15

“Pomiaaidon kon oḻingoi in dodob tobatú in ki Imang Moḷoben sin pakéon kon dodai in sia motayak kon onu in kinoibog i Allah. Bahan bo sujian oḻingoi in dodob tatua musti motongkai in touḷut bo sujian in ḷambung epod.

IḶUAIAN 28:28

Ḻingkit oḻingoi in dodob musti poyoguputon in tali nobidu kon ḻingkit in ḷambung epod sinbá oḻingoi in dodob tatua umuran kon ḻimonik in togot in ogotan bo diá moruntut.

IḶUAIAN 28:30

Ukat in Urim bo Tumim kon bonu in oḻingoi in dodob tatua sin pakéon i Harun aka sia tumayow kon i-Nakó. Kon dodai in sia yogot momia kon oaidannea tatua sia in musti umuran momaké kon oḻingoi in dodob, sinbá kotaauannea mongo onu in kinoibog-Ku kon umat Israel.”

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.