IḶUAIAN 28:20 - Alkitab Singog In Mongondow Masa In Tanaa

²⁰ Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

IḶUAIAN 28:20 Mawu Ofanana

IḶUAIAN 28:19

Kon pipid nogintoḷu in batu lazuardi, batu akik bo batu kecubung.

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

DONDONG MOḶANTUD 5:14

Ḻimanea moropot, nogisising in buḷawan inta iḷambáan in permata, awaknea naonda bo uwaḷa in gajah inta sinabudan in batu nilam.

YEHEZKIEL 1:16

Roda opat tatua in notombatangan bo mopouḻi-uḻinag naonda bo batu permata, bo kon batúannea oyúon doman in rodanea ibanea, inta noibandai kon yua-yuaknea.

YEHEZKIEL 10:9

Akuoi in nokoontong doman kon kerub mita tatua kon batúannea oyúon in roda tobatú kon sínea. Roda opat tatua in notombatangan, bo mopouḻi-uḻinag naonda bo permata mogaga. Kon batúannea oyúon in roda tobatú ibanea inta noibandai kon yua-yuaknea.

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

WAHYU 21:11

kotá tatua nopuḻing in kamuliaan i Allah bo sindarnea in naonda bo permata inta totok mogaga, naonda bo batu permata inta mobaḷu-baḷui in batangannea permata baiduri notarang naonda bo kristal.

WAHYU 4:3

Pogot in intau tatua in monindar naonda bo batu permata inta moḷunow in batangannea bo naonda doman bo batu delima. Bo tobatú aḻibobag inta naonda bo koḷunow in ḷumut noibongkow kon tampat pomomarentaan tatua.