IḶUAIAN 27:21 - Alkitab Singog In Mongondow Masa In Tanaa

²¹ Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 27:21 Mawu Ofanana

KINOBAḺIAN 1:5

bo sinangoian-Neadon in bayag tatua “Singgai” bo sindip tatua “Doḷom”. Doḷom noitaḻibdon, bo noiangoidon in doḷo-doḷom. Tuata in singgai inta muna.

KINOBAḺIAN 1:8

Botok tatua in sinangoian i Allah “Ḷangit”. Doḷom noitaḻib bo noiangoidon doḷo-doḷom. Tuata in singgai nogindua.

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

MAZMUR 134:1

Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 16:34

Dá ki Harun nogukat kon kuyon tatua kon tayowon Poti Dodandian sin tagúon podudui kon parenta i Tuhan kon i Musa.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 28:43

Soḷana tatua musti umuran pakéon monia kon dodai in mosia tumuot kon Ḷoḷaigan-Ku ande dimiug kon mezbah sin mogaid kon ibada mobaḻí imang kon Yuang Motusi, sinbá mosia in diá matoi sin popisí in koontongan awak monia inta diá motaau ontongon tua. Atorang tatua umuran popaké kon i Harun bo kon buínea mita.”

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

IḶUAIAN 29:42

Duduiannea kon tua sigaḷa zaman, kuruban tubáan tatua musti posumba kon tayowon-Ku kon ngara in Ḷoḷaigan-Ku. Kon tuata in Akuoi mokipodungkuḷ kon umat-Ku bo mopoyaput in tosingogon kon inimu.

IḶUAIAN 29:44

Baḻíon-Ku in Ḷoḷaigan bo mezbah tatua motusi. Ki Harun bo ki adínea mita in potondíon-Ku nongkon intau ibanea sinbá mosia motaau mogaid kon oaidan-Ku mobaḻí imang.

IḶUAIAN 30:36

Tosilai in dupa tatua musti dodokon korumomokon. Diadon intua kon Ḷoḷaigan-Ku bo potabudon intua kon tayowon in Poti Dodandian. Dupa tatua in musti baḻíon barang motusi inta tongá tondíon kon i-Nakó. Dika momia kon dupa inta pakéon monimu potongkai in ná pomomia kon dupa tatua.

IḶUAIAN 30:8

Tua in musti pomiaannea doman kon dodai in sia mopoyongkit in togá wakutu in ḷoḷabungnea. Sosumba kamania tatua musti umurannea pomiaan dapot in adí bo ompu.

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

IMAMAT 10:9

“Naonda in mopaḷut mako monginum kon anggur ande oinumon mokoḷoḷangu, iko bo ki adímu mita in diábí motaau in tumuot kon bonu in Ḷoḷaigan-Ku. Aka moiko ḻimimpat kon atorang tatua, yo matoi. Atorang tatua musti duduian in bayongan buímu.

IMAMAT 16:34

Upacara tatua musti aidan totaong in komintan sin pondaritan kon bangusa Israel nongkon bayongan dosa monia. Tuata in atorang mita inta musti umuran duduian monia dapot kon adí bo ompu. Inaidan i Musa intua notongkai ná inta ain pinoguman i Tuhan kon inia.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

IMAMAT 23:14

Kon dodai in diápa modia kon sosumba tatua kon i Tuhan, moiko in diábí motaau mokaan kon topiḻikmai in gandum mobagu tatua, pinomayá inta diápa noḷutú, inangag ande inta ain sinubá nobaḻí roti. Atorang tatua musti duduian in bayongan buímu dapot kon adí bo ompu.

IMAMAT 23:21

Kon singgai tatua moiko musti momia kon poyodungkuḷan sin moibada bo diábí motaau in mogaid kon oaidan inta mobogat. Atorang tatua musti duduian in buímu dapot in adí bo ompu, kon ondakabí in pogutunan monia.

IMAMAT 24:2

nobogoi in parenta mita tanaa kon bangusa Israel: Diadon in ḷana zaitun inta diá binauian in ḷana ibanea bo inta totok in mopia sin ponugung kon togá inta kon bonu in Ḷoḷaigan i Tuhan, sinbá motaau poyongkiton bo umuran moyongkit.

IMAMAT 24:3

Ki Harun musti monoinut kon togá mita tatua nongkon ḷoḷabungnea dapot in doḷo-doḷom kon tampat inta koangoian i Tuhan, kon ḷuai in toḻipoi inta noikoḷob kon Poti Dodandian kon Yuang Totok Motusi. Parenta tatua in musti umuran aidan modapot kon adí bo ompu.

IMAMAT 24:9

Roti tatua in silai i Harun bo buínea. Bo tua in mustibí kaanon monia kon tampat inta motusi, sin roti tatua in motusibí doman totok nongkon kuruban kaanon inta pinosumba kon i Tuhan inta nobaḻí silai in imang mita.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 3:8

Kon tua in sia bo musti mopoukat in ḻimanea kon uḷu in domba tatua bodongka ratáannea kon tayowon in Ḷoḷaigan. Bo imang musti mopobutak in dugú in domba tatua kon sí opat in mezbah.

IMAMAT 6:15

Sia in musti mogamá kon toyoyangkom in topong moaḷus takin ḷana bo bayongan in kamanianea, bodongka motubá kon tudu in mezbah mobaḻí tompoingat kon bayongan kuruban tatua pinosumba kon i Tuhan. Rongingi in kuruban tatua mokosanang kon gina i Tuhan.

IMAMAT 7:36

Kon singgai tatua ki Tuhan nomarenta kon bangusa Israel sinbá nongkon sosumba monia, tonsilai tatua in ogoi kon imang mita. Atorang tatua in musti umuran duduian in bangusa Israel.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

PINOGIAPAN 18:23

Pangkoion kon tanaa mako tongádon intau mita in Lewi in motaau monoḻisí kon Ḷoḷaigan-Ku bo mopobayá in bayongan oaidan kon tua. Atorang tatua popopaké doman kon bayongan buímu mononoi. Intau in Lewi diá nokouḻí kon tonsilai kon Israel,

PINOGIAPAN 18:5

Tongá iko, Harun, bo adímu mita in musti mopobayá in oaidan kon bonu in Yuang Motusi bo mezbah, sinbá diádon in Akuoi tumorú bui kon bangusa Israel.

PINOGIAPAN 19:21

Atorang tatua umuran pakéon modapot kon adí bo ompu. Intau inta mopopisik in tubig upacara tatua musti doman momatá kon pakeangnea, bo intau inta kinotugatan in tubig tatua mobaḻí monajis modapot in mata in singgai tumoyop.

PINOGIAPAN 35:29

Atorang mita tatua pakéon kon i monimu bo kon buímu, kon ondakabí in pinogutunan monimu.

PINOGIAPAN 8:9

Onda intua sipun in bayongan umat Israel bo bayongan intau in Lewi bo simindog kon tayowon in Ḷoḷaigan-Ku.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

LUKAS 12:35

“Umuran koḷuka-ḷukad in tumayow kon yagi-yagi. Musti umuran koabi-abit bo togámu in tatap poyongkiton,

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

SAMUEL 1 3:3

bo ki Samuel in nosiug kon diug in Poti Dodandian i Tuhan, kon bonu in Ḷoḷaigan Motusi. Kon dodai in diápa nobayag bo togá koyongki-yongkitpa,

SAMUEL 1 30:25

Onda intua soaḷ tatua binaḻí i Daud atorang tobatú, bo dinuduian kon Israel dapot in tanaaya.