IḶUAIAN 25:40 - Alkitab Singog In Mongondow Masa In Tanaa

⁴⁰ Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 25:40 Mawu Ofanana

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

TAWARIKH 2 4:7

Pinomianea doman in 10 in totuduan togá nongkon buḷawan podudui in model inta ain sinomayá, bo 10 in meja. Bayongan in sioḷ in totuduan togá bo meja tatua inukat kon bonu in yuang totokanea kon Baḷoi Tuhan – kon batúannea in ḻima kon dotá in koḷoigi, bo ḻima doman in kon dotá in koḷanannea. Pinomianea doman in 100 in palo buḷawan.

IḶUAIAN 25:39

Paké in buḷawan taakan inta kobogatnea 35 nokilo sin pakéon pogaid kon sioḷ in totuduan togá bo bayongan touḷutnea.

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 26:30

Posindogdon in Ḷoḷaigan tatua podudui in tomayá inta pinoontong-Ku kon inimu kon tudu in buḷud tanaa.

IḶUAIAN 27:8

Pomiadon in mezbah tatua nongkon dopí bo tongguangai kon dotá in bonunea, podudui in tomayá inta poontong-Ku kon inimu kon buḷud tanaa.”

IḶUAIAN 31:11

ḷana upacara, bo dupa mobondu sin pakéon kon Yuang Motusi. Tua komintan musti pomiaan monia podudui kon onu inta ain sinundú-Ku kon inimu.”

IḶUAIAN 36:2

Ki Musa nogoiní kon i Bezaleel, kon i Aholiab bo bayongan intau inta nokouḻí kon koahlian nongkon i Tuhan bo takin pia in gina mobantung, bo pinoki pomangkoiandon nogaid.

PINOGIAPAN 8:4

Tampat in togá tatua, nodapot kon omonikanea bo bungang mita inta pinoḷambá pinomia nongkon buḷawan inta sinontaḷ, pinodudui kon contoh inta pinoontong i Tuhan kon i Musa.

OUMAN IN RASUL MITA 7:44

Ḷoḷaigan tampat i Allah angoian pokipodungkuḷan kon intau in kon mogoguyang naton kon padang gurun. Ḷoḷaigan tatua in pinomia i Musa podudui in parenta i Allah bo pinodudui in gambar inta pinoontong i Allah muna kon inia.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’