IḶUAIAN 25:31 - Alkitab Singog In Mongondow Masa In Tanaa

³¹ “Pomiadon kon sioḷ in pototuduan kon togá nongkon buḷawan taakan. Aip in kokadaiannea musti pomiaan nongkon buḷawan inta tontaḷon; bungang mita ḷambá, moituot doman in daun bo poḷapánea musti motobatú takin aip bo kokadaiannea.

IḶUAIAN 25:31 Mawu Ofanana

DATU MITA IMITÁNEA 6:18

Dinding kon dotá in bonu in baḷoi tatua inaipan in kayu ḷokuyú in Libanon, dá batu mita in dindingnea totokbí in diá koontongan. Aipnea tatua iḷambáan in kurigan in bungai in baḷongká bo bungang mita nongomungai.

DATU MITA IMITÁNEA 7:24

Kon ḻibunea inta kon dotá in ḷuainea iḷambáan in bungai in baḷongká doyowa nopipid, inta cinor noyotakin in bejana tatua.

TAWARIKH 1 28:15

kon batúan in togá bo sioḷnea,

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

TAWARIKH 2 4:7

Pinomianea doman in 10 in totuduan togá nongkon buḷawan podudui in model inta ain sinomayá, bo 10 in meja. Bayongan in sioḷ in totuduan togá bo meja tatua inukat kon bonu in yuang totokanea kon Baḷoi Tuhan – kon batúannea in ḻima kon dotá in koḷoigi, bo ḻima doman in kon dotá in koḷanannea. Pinomianea doman in 100 in palo buḷawan.

IḶUAIAN 25:34

Kon kokadaiannea musti pomiaan kon ḷambá nongkon bungang badam toḷu takin daun bo poḷapánea.

IḶUAIAN 25:36

Komintan sioḷ in totuduan kon togá tatua takin dáun mita bo tanganea mita musti pomiaan nongkon buḷawan taakan topongkó inta sinontaḷ.

IḶUAIAN 31:8

inta meja bo touḷutnea, sioḷ in totuduan togá inta nongkon buḷawan totokea takin touḷutnea, mezbah pototubáan kon dupa,

IḶUAIAN 35:14

pototuduan kon togá ponimbayag takin touḷutnea, togá takin ḷananea;

IḶUAIAN 39:37

sioḷ in totuduan togá inta nongkon buḷawan totokea, togánea mita takin bayongan touḷutnea, ḷana inta pakéon kon togá,

IMAMAT 24:4

Ki Harun musti monoinut kon togá mita inta sinudu kon sioḷ totuduan togá inta pinomia nongkon buḷawan sinbá umuran moyongkit kon Ḷoḷaigan i Tuhan.

ZAKHARIA 4:2

“Onu in inontongmu?” iḻibónea. “Totuduan in togá tobatú nongkon buḷawan,” tubagku. “Kon popodnea monik oyúon in pobobonuan kon ḷananea, bo kon ḻibuneamai pitu in togá, inta kon batúannea tumopopitu in sumbu.

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

PINOGIAPAN 4:10

Sioḷ totuduan in togá bo bayongan pakakatnea musti bakuton monia in kuḻit moaḷus bodongka ukaton monia kon tudu in buḻigan.

PINOGIAPAN 4:9

Mosia in musti mogamá kon kaeng nobidu tobatú bo pongoḷob kon sioḷ in totuduan in togá takin togánea mita, pakakat inta ponondarit kon sumbu in togá bo totumboknea, bo bayongan tampat in ḷana zaitun.

PINOGIAPAN 8:1

Ki Tuhan noguman kon i Musa,

PINOGIAPAN 8:4

Tampat in togá tatua, nodapot kon omonikanea bo bungang mita inta pinoḷambá pinomia nongkon buḷawan inta sinontaḷ, pinodudui kon contoh inta pinoontong i Tuhan kon i Musa.

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

WAHYU 1:12

Akuoi in nobobui ná tumi sin moindoi mongo ki ine inta noguman kon inakó tua. Bo inontongku pitu in sioḷ pototuduan kon togá inta pinomia nongkon buḷawan.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.

WAHYU 4:5

Nongkon tampat pomomarentaan tatua noisindar magí in kilat bo iḷumuai in singog in gotup inta moyo-moyodudui. Bo kon tampat pomomarentaan tatua oyúon in poḷombow pitu inta koyongki-yongkit; tuata in Roho i Allah taya pitu.

SAMUEL 1 3:3

bo ki Samuel in nosiug kon diug in Poti Dodandian i Tuhan, kon bonu in Ḷoḷaigan Motusi. Kon dodai in diápa nobayag bo togá koyongki-yongkitpa,