IḶUAIAN 25:22 - Alkitab Singog In Mongondow Masa In Tanaa

²² Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 25:22 Mawu Ofanana

KINOBAḺIAN 18:33

Naonda in nopaḷut nongonguman takin i Abraham, ki Tuhan minayá, bo ki Abraham nobuidon kon baḷoinea.

SAMUEL 2 6:2

Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

DATU MITA 2 19:15

bo nosambayang, kainia, “Tuhan, Allah in Israel, inta iḻimitú kon tudu in Kerub, Tongábí Iko tontaní in Allah inta nongawasa kon bayongan in dodatuan kon dunia naa. Ikobí in nomaḻí kon ḷangit bo butá.

TAWARIKH 1 13:6

Bo ki Daud in minayá noyotakin monia kon kotá in Baala, inta kon Kiryat-Yearim, kon butá in suku Yohuda sin mogamá kon Poti Dodandian i Allah. Poti tatua sinangoian “Tuhan Inta iḻimitú kon tudu in kerub”.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 80:2

O Gombala in Israel, indongogaipa kaasí, Iko in nodia kon buí i Yusup saḷaku paanan. Iko in iḻimitú kon tudu in kerub, angoidon takin bayag

MAZMUR 90:1

Sambayang i Musa, mogogundoi i Allah. O Tuhan, Ikobí in pononiungan nami modapot kon adí bo ompu.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 30:36

Tosilai in dupa tatua musti dodokon korumomokon. Diadon intua kon Ḷoḷaigan-Ku bo potabudon intua kon tayowon in Poti Dodandian. Dupa tatua in musti baḻíon barang motusi inta tongá tondíon kon i-Nakó. Dika momia kon dupa inta pakéon monimu potongkai in ná pomomia kon dupa tatua.

IḶUAIAN 30:6

Poukatdon in mezbah tatua kon dotá in ḷuai in toḻipoi inta kon tayowon in Poti Dodandian, kon tampat poyodungkuḷan-Ku takinmu.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

IḶUAIAN 31:6

Ki Aholiab, ki adí i Ahisamakh nongkon suku Dan, ain piniḻí-Ku doman sin motuḷung kon inia. Bas mita inta mopandoi ogoian-Ku doman in toḻidat inta diá in poḻiu, sinbá mosia motaau mogaid kon onuka in pokiaid-Ku:

YESAYA 37:16

“Tuhan inta Totok in mokawasa, Allah in Israel, inta nogutun kon ḻimonik in kerub, Tongábí iko in Allah inta nongawasa kon bayongan dodatuan kon tudu in butá naa. Ikobí inta nomaḻí kon ḷangit bo butá.

YEHEZKIEL 43:6

Kon dodai in ḷoḷaki tatua sinimindogpa mako kon diugkumai, dinongogku in ki Tuhan in noguman kon inakó nongkon bonu in Baḷoi Tuhan, kai-Nia,

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

PINOGIAPAN 17:4

Diadon in tungkud mita tatua kon Ḷoḷaigan-Ku, bo ukat kon tayowon in Poti Dodandian, kon tampat inta biasamai poyodungkuḷan-Ku takin imonimu.

PINOGIAPAN 7:89

Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.

HAKIM MITA 20:27

Kon dodai in intua Poti Dodandian i Allah kon Betel, bo ki Pinehas ki adí i Eleazar, ompu i Harun, in nogaid kon oaidan saḷaku imang. Dá noḻibódon umat in Israel kon i Tuhan, “Tuhan, degá mustipa in kami mayá monubu kon i utat mita nami intau mita in Benyamin tatua, ande degá gogaiandon nami in parang tanaa?” Ki Tuhan in notubag, “tubudon in mosia! Ikoḷom popountungkudon in moiko nongkon i monia.”

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.