IḶUAIAN 25:20 - Alkitab Singog In Mongondow Masa In Tanaa

²⁰ bo poyogintayowon takin koḻikip inta mosongká kon ḻimonik in poti tatua.

IḶUAIAN 25:20 Mawu Ofanana

KINOBAḺIAN 28:12

Onda intua sia sinumogoindop kon sia in nokoontong kon tukad tobatú inta nongkon butá dapot in ḷangit bo malaekat mita moponik moponag kon tukad tatua.

DATU MITA IMITÁNEA 6:23

Kon bonu in Yuang Totok Motusi tatua sinagú doman in patong in kerub inta pinomia nongkon kayu zaitun. Patong doyowa tatua koḷantudnea in tumpaḷa 4,4 nometer;

DATU MITA IMITÁNEA 6:27

Patong doyowa tatua in inukat pinoyodiug kon bonu in Yuang Totok Motusi dá koḻikip tumongo batu in patong tatua noiḻiai kon dinding, bo koḻikipnea ibanea in noyoḻiai kon yua-yuak in yuang tatua.

DATU MITA IMITÁNEA 8:7

Koḻikip in patong mita tatua nobuká noioḻiung kon poti tatua takin kayu mita pononombuḻigan.

TAWARIKH 1 28:18

soaḷ kobayong in buḷawan totokan inta pomiaan mezbah pototubáan kon dupa bo aidan kereta inta potuduan kon patong mita in kerub takin koḻikip nobuká kon tudu in Poti Dodandian i Tuhan.

TAWARIKH 2 3:10

Ki datu in nopotabá doman kon mogogaidnea mita tatua nomia kon patong in kerub doyowa nongkon logam. Patong mita tatua inaipannea in buḷawan bo pinosindog pinoyodiug kon Yuang Totok in Motusi pinotayow kon ngara. Kon batúan in kerub tatua tumpaḷa kokoḻikip doyowa, kon batúannea koḷanggónea tumongo 220 nosenti. Koḻikip mita tatua sinumongká námai tua dá popod tobatú noyoḻiai kon bonu in yuang bo popodnea ibanea in noidapot in dinding kon koḷoigi bo koḷanan. Dá, koḻikip mita tatua nosongká 9 nometer in kobanatnea ná kooḷad in yuang tatua.

IḶUAIAN 25:18

Pomiadon kon kerub doyowa nongkon buḷawan inta sinontaḷ,

IḶUAIAN 25:19

tumongobatú in kon siku in taḷob in poti tatua. Kerub doyowa tatua musti poyokompiton in taḷobnea dapot in motobatú,

YEHEZKIEL 28:14

Malaekat inta mokoondok sinampatmu kon tua sin moḷukad kon inimu. Iko in nogutun kon tudu in buḷud-Ku inta motusi bo minayá kon yua-yuak in batu permata inta mopouḻi-uḻinag.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

KORINTUS 1 11:10

Tuamai bá mopia in gina in malaekat mita, dá bobay in mustibí mogi koḷob in uḷu, saḷaku tanda kon sia tua in kon bonupabí in kawasa i buḷoinea.

KORINTUS 1 4:9

Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia.

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

IBRANI 9:5

Kon tudu in poti tatua oyúon in kerub doyowa, tuata in mahaḷuk kokoḻikipan inta nobaḻí lambang koangoian i Allah. Koḻikip in mahaḷuk doyowa tatua noibuká mako kon tudu in taḷob in poti tatua, tobatú tampat pongongampungan kon dosa. Táe tua mita in diá koinsilangan batu-batúon tanaa mako.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.