IḶUAIAN 24:11 - Alkitab Singog In Mongondow Masa In Tanaa

¹¹ Itoi mita Israel tatua aindon nokoontong kon i Allah; umpaka natua yo mosia in diábí iyopú-Nea. Nopaḷut mako kon tua mosia nongaan bo nonginumdon.

IḶUAIAN 24:11 Mawu Ofanana

KINOBAḺIAN 16:13

Ki Hagar noḻibó kon bonu in ginanea, “Totuu degá kon akuoi aindon nokoontong kon i Allah inta notabi kon inakó?” Dá sia in nodonoi kon i Tuhan, inta ain nopoyaput in tosingogon kon inia, “Ki Allah Inta Nonotabi.”

KINOBAḺIAN 18:18

Diá bo diá buínea in mobaḻíbí bangusa inta moḷoben bo mongawasa? Sin pongin inia, bayongan in bangusa kon dunia naa in barakatan-Ku?

KINOBAḺIAN 31:54

Sia in noratá kon biag tobatú bo pinosumbanea kon tudu in buḷud tatua. Bo inoiníneadon in intaunea mita sin mongaan moyotakin. Naonda in nopaḷut mako nongaan, mosia in nogogaipa kon tudu in buḷud tatua.

DATU MITA IMITÁNEA 21:8

Dá ki Izebel in nomais kon surat pinodoyon kon tangoi i Ahab bo cinapan in cap i datu. Surat tatua in pinoki atodnea kon itoi mita bo intau mita inta duduianmai kon ḻipú in Yizreel.

TAWARIKH 2 23:20

Porwira mita, bo intau mita inta sinon itoi kon ḻipú, intau mita moḷoben in pomarenta, bo bayongan rayat in dinumudui kon i Yoyada nodia kon i Datu Yoas nongkon Baḷoi Tuhan nopobayá in komaḻig. Mosia in sinumuot nongkon bonawang totokanea bo ki datu in iḻimitú kon ḷoḻitúan in datu.

NEHEMIA 2:16

Diá tobatúmai in nongkon intau mita inta sinon itoi in rayat in nonotaau kon inakó minayá, bo onu in sinomayáku. Sin noidapot in tungkuḷ intua diápabí in akuoi noguman kon onu bo onu kon intau mita tobangusaku, pinomayá kon imang mita andeka kon itoi mita, andeka kon pogawai mita, bo kon i inekabí inta dumudui moposindog bui in kotá in Yerusalem.

MAZMUR 139:5

Iḻibu-Mu in akuoi nongkon bayongan in tampat, bo iḷukadan-Mu in akuoi in kawasa-Mu.

IḶUAIAN 18:12

Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

IḶUAIAN 19:21

bo ki Tuhan noguman kon inia, “Posiḻigdon bo potoropdon kon intau mita tatua kon mosia in diábí motaau ḻimimpat kon tomboinig sin mamangoi moindoi kon i-Nakó. Aka mosia ḻimimpat doman, yo mobarong in kon sigad monia tua in matoi.

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

DANIEL 10:17

Akuoi in naonda bo bobantung tobatú inta sinimindog mako kon tayowon i tuangnea. Naondabí in pongongumanku kon i Tuang? Ropotku in nodaitdon bo mosisí in poginaanku.”

PINOGIAPAN 12:8

Bo Akuoi in moyosingog takinnea moyogintayowan pogot, mositarangan bo deeman tongá mositangkían. Nodapot in pogot-Ku inontongneadon! Yo nongonu sin moiko in mokobaḻíbí in moḷawang kon i Musa, bobantung-Ku tua?”

PINOGIAPAN 21:18

Parigí inta kinaḻi in tongganut mita bo in itoi mita in bangusa kinaḻi in tungkud in dodatuannea bo tungkud inta nobaḻí tomponuot in kawasa monia.” Nongkon padang gurun mosia nomamping kon Matana,

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

ULANGAN 4:33

Kon dodaidon in onda oyúon in bangusa tobatú inta umuran nobiag naonda in nokodongog kon ilah tobatú nosingog kon i monia nongkon tuḷú, ná inta kinoyitakan monimu?

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”

HAKIM MITA 5:13

Tontara inta mobarani inta nobiagpa namangoi kon itoinea, mosia in namangoi, bo nosadia sin moberjuang kon kopontingan-Nea.