IḶUAIAN 23:31 - Alkitab Singog In Mongondow Masa In Tanaa

³¹ Sigad mita in butámu in tantúon-Kudon nongkon Teluk Akaba modapot kon Ongkag in Eprat, bo nongkon Dagat Toyuak modapot kon padang gurun. Moiko ogoian-Ku in kawasa mongawasa kon intau mita inta nogutun kon butá tatua, modapot in mosia kountunandon monimu kon dodai in moiko mayá mogagow kon butá tatua.

IḶUAIAN 23:31 Mawu Ofanana

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

DATU MITA IMITÁNEA 11:2

Ki Tuhan ain nomarenta kon Israel in diábí motaau motonibuḷoi takin in bangusa mita tatua, sin mosia in mokopopisídon kon intau in Israel mosumba kon ilah mita ibanea. Umpaka natua, ki Salomo in umuranbí doman notonibuḷoi in bobay mita nongkon butá ibanea.

DATU MITA IMITÁNEA 20:13

Kon dodai intua, nabi tobatú minayá kon i Datu Ahab bo noguman, “Ki Tuhan in noguman: ‘Inontongmu degá in tontara inta mobayong tatua? Popountung-Kubí in iko kon i monia in singgai naa. Kotaauanmu bidon kon Akuoi in ki Tuhan.’ ”

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

TAWARIKH 2 9:26

Sia in nongawasa kon bayongan in datu kon butá inta nongkon Ongkag in Eprat nodapot kon butá in Pilistin bo pinosigadan in Mesir.

MAZMUR 72:8

Dodatuannea in modugang nongkon dagat mopobayá in dagat, moibandang nongkon pomukaan dapot in toyopan.

PINOGIAPAN 21:34

Ki Tuhan noguman kon i Musa, “Dika moondok kon inia. Pountung-Ku in iko. Taḷowonmubí in sia bo takin intau inta nogutun kon butánea. Pomiadon in sia ná pinomomiamu kon i Datu in Sihon inta nomarenta kon Hesybon.”

PINOGIAPAN 34:2

parenta mita tanaa kon bangusa Israel, “Topiḻikpa bo moiko tumuot kon butá in Kanaan, butá inta ogoi-Ku kon i monimu mobaḻí tonsilai. Naa in sigad in butá mita tatua.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 11:24

Komintan in butá inta yitakan monimu in mobaḻíbí kapunyaanmu. Butámu in mobendarbí nongkon padang gurun kon dotá in toḷatan modapot kon Buḷud in Libanon kon utuan, bo nongkon Ongkag in Eprat kon pomukaan modapot kon Dagat Toyuak kon toyopan.

ULANGAN 2:33

Táe pinosarakan i Tuhan Allah in sia kon i naton, bo sinaḷow naton in sia takin ki adínea mita bo bayongan in tontaranea.

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

ULANGAN 20:16

Táe aka kotá tatua kon bonu in butá inta inogoi i Tuhan Allahmu kon inimu, yo bayongan in intau inta nogutun kon tua musti yopúdon.

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 6:19

bo moiko in moguntunbí kon musungmu mita ná inta pinodandi i Tuhan.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

YOSUA 1:4

Butámu in mobanat nongkon padang gurun kon toḷatan modapot kon Buḷud in Libanon kon utuan bo nongkon Ongkag in Eprat inta moḷoben kon pomukaan noitakin in butá in bangusa in Het nodapot kon Dagat Toyuak kon toyopan.

YOSUA 10:19

“táe moiko in dikabí mogogai kon tua. Aḷowaidon turus, bo tubu in mosia nongkon tumi; dika pomayá mako in mosia tumuot kon kotá mita monia! Ki Tuhan Allahmu ain nobogoi in kauntungan kon i monimu nongkon i monia.”

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 23:14

Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.

YOSUA 24:11

Onda intua moiko iḷumoḷan kon Ongkag in Yordan, bo nodapot kon Yerikho. Intau mita in Yerikho nonubu kon i monimu, natua doman intau in Amori, intau in Peris, Kanaan, Het, Girgasi, Hewi bo intau in Yebus. Táe Akuoi nopountung kon i monimu nongkon i monia komintan.

YOSUA 24:12

Kon dodai in moiko mayá monubu kon i monia, pinopoḻingú-Ku in mosia bo pinopogonúan in ondok, nodapot in datu in Amori taya dua tua noḷagui nongkon i monimu. Deemanbí kedangmu bo deemanbí doman piotmu in nokopountung kon i monimu.

YOSUA 24:18

Bo naonda in kita sinumuot kon butá tanaa, ki Tuhan nopoguntun kon bayongan intau in Amori inta nogutun kon naa. Dá, kami in moibogbí mogundoi kon i Tuhan, sin Sia tuata in ki Allah naton!”

YOSUA 24:8

Bo dinia-Ku in moiko minayá in butá in intau Amori inta nogutun kon dotá in pomukaan kon Ongkag in Yordan. Mosia nonubu kon i monimu, táe pinountung-Ku in moiko nongkon i monia. Kinoagowan monimu in butá monia, bo iyopú-Ku in mosia.

YOSUA 8:18

Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia.

YOSUA 8:7

Kon dodaidon intuata bo ḷumuai in moiko nongkon pinogadopan monimu, bo mogagow kon kotá tatua. Ogoi bidon i Tuhan Allahmu intua kon inimu.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

HAKIM MITA 1:4

bo i Yohuda noparang noyotakin. Bo pinopountung i Tuhan in mosia nongkon intau mita in Kanaan bo intau in Peris. Mopuḷú noribu in tontara in musung in minatoi kon Bezek.

HAKIM MITA 11:21

Táe ki Tuhan, Allah in Israel, nobogoi in kauntungan kon umat in Israel kon tungkuḷ in noparang takin i Sihon bo tontaranea mita. Bo nouḻídon in Israel in butá mita in intau in Amori inta nogutun kon butá tatua.

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”