IḶUAIAN 23:24 - Alkitab Singog In Mongondow Masa In Tanaa

²⁴ Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

IḶUAIAN 23:24 Mawu Ofanana

DATU MITA 2 17:11

Notubá doman in mosia kon dupa kon bayongan in mezbah sin mosumba kon dewa, ná kabiasaan in bangusa mita inta ain pinoguntun i Tuhan nongkon butá in Kanaan. Nosumba in mosia kon berhala umpaka ain inimaḷowan i Tuhan. Bayongan in aid monia inta moraat nokopomuká kon torú i Tuhan.

DATU MITA 2 17:8

bo dinumudui kon kabiasaan in bangusa mita inta ain pinoguntun i Tuhan kon tungkuḷ in bangusa in Israel minayá nomarang kon bangusa mita tatua. Bangusa in Israel in dinumudui kon adat inta sinantúdon in datu mita in Israel,

DATU MITA 2 18:4

Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

DATU MITA 2 3:2

Nogaid in sia kon onu inta moraat kon mata i Tuhan, táe koraatnea in diábí ná moraat i Ahab bo i Izebel, guyanganea. Patong inta pinomia i amánea sin mosumba kon Baal in inumpagneadon.

TAWARIKH 2 14:2

Ki Asa in nokosanang kon gina i Tuhan Allahnea sin nogaid kon inta moadil bo mopia.

TAWARIKH 2 25:14

Naonda in nonaḷow kon tontara in Edom, ki Amazia in nodia nobui kon patong mita in berhala in intau in Edom bo inukatnea kon Yohuda. Bo notubá in sia kon dupa kon patong tatua bo nosumba.

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.

IḶUAIAN 20:3

Dika mosumba kon ilah mita ibanea. Tongá Akuoi in sumbáan.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

IḶUAIAN 23:32

Dika mogaid kon dodandian takin intau mita tatua ande takin ilah mita monia.

IḶUAIAN 23:33

Dika pomayá mako monimu intau mita tatua mogutun kon butámu, sinbá moiko diá moidudui kon i monia mosumba kon ilah mita monia bo baradosaandon kon i-Nakó. Aka moiko mosumbadon kon ilah mita monia, yo moiko in noituotdon kon poyogaḷap inta mokopatoi.”

IḶUAIAN 32:20

Onda intua ginamáneadon in patong sapi inta pinomia in intau mita Israel tatua, bo iḷoḷangnea bui poḷat dinodok kinorimok ná ḷobud, bodongka binaukan in tubig. Onda intua pinoki inumneadon kon intau mita Israel.

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

IMAMAT 18:3

Dikabí dumayan kon dodia intau kon Mesir, tampat inta perna pinogutunan monimu, ande dodia in intau Kanaan, inta pinodiaan-Ku kon i monimu masai naa.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

ULANGAN 12:3

Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.