IḶUAIAN 23:21 - Alkitab Singog In Mongondow Masa In Tanaa

²¹ Indoiai bo duduiai in sia. Dika ḷumoḷatú kon inia sin totabá-Ku in sia, bo diábí in sia mongampung kon aidmu inta moitaḷá.

IḶUAIAN 23:21 Mawu Ofanana

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 78:40

Totuu mokakit in mosia in momarontak kon i-Nia, bo moposakí in gina-Nea kon tungkuḷ in kon padang gurun.

MAZMUR 78:56

Táe nomarontak in mosia bo nonungkuḷ kon i Allah Inta Totok in Moḷantud, parenta-Nea mita diá dinuduian monia.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

IḶUAIAN 3:14

Guman i Allah, “Akuoi in AKUOIBÍ INTA OYÚON. Naa in musti singogonmu kon bangusa Israel, Sia inta sinangoi AKUOI INTA OYÚON, ain nopotabá kon inakó namangoi kon i monimu.

IḶUAIAN 32:34

Bayádon in tanaa, bo diádon in mosia kon tampat inta ain pinotaau-ku kon inimu. Malaekat-Ku in mokapit kon inimu, táe moiangoibí in wakutunea intau mita hukumon-Ku popisí in taḷá mita monia.”

IḶUAIAN 6:3

Akuoi nomia doman kon dodandian takin i monia. Akuoi nodandi kon Akuoi in mobogoi kon butá in Kanaan kon i monia, butá tampat kinobiagan monia nobaḻí intau ango-angoi.

YESAYA 42:8

Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

YESAYA 45:6

Tua komintan in inaidan-Ku sinbá nongkon dotá pomukaan modapot kon dotá in toyopan bayongan in intau monotaau kon Akuoibí in Tuhan, diábí in ilah koḻikudbí in Akuoi.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 9:5

Adí tobatú ain pinononggadí kon i naton; kita in pinonotabian in ḷoḷaki tobatú. Sia in mobaḻí itoi naton. Sia in sinangoian: “Monononggina Mobijaksana” “Ki Allah Inta Motorindog”. “Ki Amá Inta Mononoi”. “Datu in Dodamean”.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

PINOGIAPAN 14:35

Akuoi in mongibot kon aidan-Kubí intua kon i monimu, intau mita moraat inta noyopakat moḷawang kon i-Nakó. Moiko matoi komintan kon padang gurun tanaa. Akuoi, ki Tuhan ain nosingog.’ ”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

YOHANES 10:30

Akuoi bo ki Amá in tobatúbí.”

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

ULANGAN 18:19

Sia in mosingogbí podoyon kon tangoi-Ku, bo Akuoi in mohukum kon i inekabí inta doí mokidongog kon inia.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 3:16

Ki ine in intau mita inta nokodongog kon singog i Allah bo nomarontak kon i-Nia? Mosia tuata in intau mita inta dinia i Musa iḷumuai nongkon butá in Mesir?

YOSUA 24:19

Bo ki Yosua noguman, “Táe moiko in dikabo diá mokosanggup mogundoi kon i Tuhan, sin Sia tua in ki Allah inta mokudus, bo tongábí Sia in ki Tuhan. Sia in doíbí toḻinduaan. Aka moiko monaḷámai kon i-Nia bo mogundoi kon ilah mita ibanea, diá bidon ampungan-Nea in dosamu, sedang bo ḷawangon bo hukumon-Neabí in moiko. Yompaton-Neabí in moiko, umpakabí koḻipod in mopia in Sia kon inimu.”

YOHANES 1 5:16

Aka moiko bo mokoontong kon tobatú intau inta tumpaḷa Keresten nogaid kon dosa inta diá mokopopisí kon intau tatua kobuḻiandon in kobiagan inta mopia bo mononoi, yo moiko in musti mosambayang kon i Allah; bo ki Allah in mobogoibí in kobiagan tatua kon inia. Naa in tongábí kon i monia inta nogaid kon dosa inta diá mokopopisí kon i monia kobuḻian in kobiagan tatua. Táe oyúon in dosa inta mokopopisí kon intau kobuḻian in kobiagan tatua. Aka kon soaḷ tanaa yo akuoi in diábí moguman kon i monimu kon moiko in musti mosambayang kon i Allah.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

HAKIM MITA 13:18

Malaekat tatua noḻibó, “Nongonu sin moibogbí in iko monotaau kon tangoiku? Tangoiku tua in mokoherangbí.”