IḶUAIAN 23:14 - Alkitab Singog In Mongondow Masa In Tanaa

¹⁴ “Batúan in taong moiko musti kotoḷu mogaid kon rame moḷoben sin mohoromat kon i-Nakó.

IḶUAIAN 23:14 Mawu Ofanana

DATU MITA IMITÁNEA 9:25

Kotoḷu in totaong in ki Salomo moposumba in kuruban payongon bo kuruban dodamean kon tudu in mezbah inta ain pinosindognea kon i Tuhan. Motubá doman in sia kon dupa kon i Tuhan. Natuata in ki Salomo noginḷapat kon Baḷoi Tuhan.

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

IḶUAIAN 23:17

Pomuḷoi in taong kon dodai in pomiaan porayaan toḷu tatua, bayongan ḷoḷaki musti mamangoi mosumba kon i-Nakó, ki Tuhan Allahmu.

IḶUAIAN 34:17

Dika momia poḷat mosumba kon ilah mita inta pinomia nongkon logam.

IḶUAIAN 34:18

Porameaidon in Singgai Moḷoben Roti Diá in Ragi. Ná inta ain pinarenta-Ku kon inimu, moiko in musti mokaan kon roti diá iragian kon bonu in pitu nosinggai kon buḷan Abib, sin kon bonu in buḷan tatuata moiko in nonaḷámai kon Mesir.

YEHEZKIEL 46:9

Noyotoḻikud kon tua, aka kon singgai mita moḷoben bo rayat in mamangoi moibada kon i Tuhan, dá mosia inta tumuot mongin bonawang kon dotá in utuan, yo mobui in mustibí mongin bonawang inta kon dotá in toḷatan naonda in mopaḷut mako in mosia moibada. Bo mosia inta tumuot mongin bonawang toḷatan, naonda in mobui mustibí mongin bonawang kon dotá in utuan. Intau mita diábí ogoi in mobui mongin daḷan inta sinuotannea koina; mosia in mustibí mobui mongin bonawang inta kon ḷoḷanneamai.

IMAMAT 23:16

Kon singgai noginḻima nopuḷú, inta kon singgai mopaḷut mako in Sabat inta noginpitu moiko in musti modia kon kuruban oḷudon kon i Tuhan.

IMAMAT 23:4

Naa in singgai mita moḷoben inta ain sinantú i Tuhan bo inta musti potaau kon wakutu inta ain sinantú.

IMAMAT 23:5

Singgai Moḷoben Paska inta iramean sin mohoromat kon i Tuhan, pangkoion kon dodai mata in singgai tumoyop kon singgai impuḷú bo opat buḷan noginmitá.

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

ULANGAN 16:16

Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba

SAMUEL 1 1:3

Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.