IḶUAIAN 23:11 - Alkitab Singog In Mongondow Masa In Tanaa

¹¹ Táe kon taong noginpitu, pomayápa mako in butá tatua. Kon bonu in taong tatua donaaipa in moiko mogamá kon onuka in nobiag tontaní kon gobámu. Pomayádon mako intua sinbá intau mita bogá kon sigad monimu mokouḻípa kon kaanon monia, bo onu in diá ginamá monia kaanondon in mahaḷuk mita inta kaḻig. Natua doman pomia kon gobá in anggur bo pangkoi mita in zaitunmu.

IḶUAIAN 23:11 Mawu Ofanana

NEHEMIA 10:31

Aka oyúon in bangusa ibanea in mopotaḷui in gandum andeka onuka kon inami kon singgai in Sabat andeka singgai motusi ibanea, yo diábí intua taḷuion nami. Kon pomuḷoi in taong impitunea, diábí tonggobaan nami in gobá bo diábí moigum kon boḻi.

NEHEMIA 10:32

Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

IḶUAIAN 23:10

“Onom notaong koonggotnea moiko motaau momunak kon gobámu bo mogamá kon bungai in boyómu.

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

IMAMAT 25:20

Táe oyúon degá in moḻibó nanaa: onu in kaanon kon bonu in taong noginpitu tua kon dodai in butá diá ponompinomuḷaan bo diá in bungai in boyó.

IMAMAT 25:22

Bo kon dodai in moiko momuḷa kon gobámu kon taong mongin waḷu, bungai in boyó kon taong noginggonom oyúonpa bo tugatpa kaanon monimu. Modapot in tongkaaḷ kaanon monimu tua tugatpabí moiyaput in wakutu pobatunan kon bungai in boyó kon taong tatua.

PINOGIAPAN 16:14

Totuubí kon iko in diábí modia kon inami mayá in butá inta mopia, andeka mobogoi kon inami in gobá mita in tudunea bo gobá mita in anggur inta mobaḻí tonsilai nami! Tanaa iko monguboḷdon kon inami! Diá, kami in doíbí mamangoi!”

ULANGAN 15:11

Kon sigad in intau Israel umuranbí oyúon in tongonumai intau inta mobiag mobogá bo kinodaitan in pakéon. Tuamai in akuoi moguman kon i monimu mokopopia kon gina kon i monia.”