IḶUAIAN 22:6 - Alkitab Singog In Mongondow Masa In Tanaa

⁶ Ki ine in momiag kon tuḷú kon gobánea tontaní bo tuḷú tatua iḷumekep kon gobá intau ibanea bo nomokak kon bayongan gandum inta koyogot mobiag ande pangkoi mita in gandum inta bagupa iratab, dá intau inta nomiag kon tuḷú tatua musti moguboḻi kon karugian tatua.

IḶUAIAN 22:6 Mawu Ofanana

IḶUAIAN 22:12

Aka bobiagon tatua sinakow in intau ibanea, dá intau inta nomiag tatua musti moguboḻi kon karugian i togi bobiagon tatua.

IḶUAIAN 22:5

Ki ine in nopomayá mako in bobiagonnea kon gobánea ande gobá in anggurnea, bo noiduduimai kon tua biagnea tatua minayá in gobá intau ibanea bo nokaan kon pinomuḷa intau ibanea, dá kitogi gobá tatua musti moguboḻi kon karugian tatua takin bungai in boyó in gobánea inta totok in mopia nongkon gobánea ande gobá in anggurnea tontaní.

IḶUAIAN 22:7

Aka oyúon in intau tobatú nokitagú in doitnea andeka barang koboḻi kon yobayatnea. Táe kon singgai noiduduimai barang tatua sinakowdon in intau kon baḷoinea. Aka intau inta nonakow tatua kino umaan, dá mustibí intau inta nonakow tatua moguboḻi kodua ná kobayong in doit tatua ande barang tua.

IḶUAIAN 22:9

Kon bayongan in yogogintaḷaan soaḷ kapunyaan, pinomayá sapi, keledai, domba, pakeang ande onuka in nobuḻi bo bui nouḻí, intau mita inta mongaku kitogi musti diaan kon tampat pooibadaan. Intau inta pinoniata i Allah mobaḻí intau inta kotaḷá, musti moguboḻi kon itoginea kodua ná inta nobuḻi.

MATIUS 7:16

Bagubí nongkon oaid monia tua ain kotaauan mongo ki ine i mosia. Degá oyúon in intau mosipú kon bungai in anggur kon pangkoi in díat, andeka ḷantat kon pangkoi in bo bonganga.