IḶUAIAN 22:28 - Alkitab Singog In Mongondow Masa In Tanaa

²⁸ Dika mogodi-godimai kon i Allah bo kon itoi in bangusamu.

IḶUAIAN 22:28 Mawu Ofanana

SAMUEL 2 16:5

Naonda in ki Daud nodapot kon Bahurim, namangoidon in intau tobatú nongkon tampat tatua, bo kodiug-kodiug kon paanan i datu, nogodi-godimai in sia kon i Daud. Tangoinea in intau tatua in ki Simei adí i Gera, nongkon inanakan i Saul.

SAMUEL 2 16:9

Ki Abisai ki ai-ai i Yoab adí i Zeruya, in noguman kon i datu, “Nongonu sin pomayábí mako i Tuang in mononuyayow tatua mogodi-godimai kon i Tuang? Pomayádon mako in bobantung naa mongingguḷu kon inia!”

SAMUEL 2 19:21

Nokodongogmai kon tua in ki Abisai adí i Zeruya noguman, “Ki Simei in patusbí hukumon matoi sin sia ain nogodi-godimai kon i datu inta piniḻí i Tuhan.”

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

MAZMUR 138:1

Nongkon i Daud. O Tuhan, akuoi in moibog mopoyaput in sukur kon ini-Mu, takin ḻimbatú in ginaku. Kon tayowon in bayongan dewa podondongku in dayow kon ini-Mu.

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

IḶUAIAN 13:12

moiko in musti moposumba in adí monimu ḷoḷaki inta guya-guyang bo bayongan bobiagon koḷakian inta muna pinogadí. Tua komintan ki Tuhan in kitogi,

IḶUAIAN 13:2

“Posumbadon in bayongan adí ḷoḷaki inta guya-guyang kon i-Nakó. Bayongan in adí ḷoḷaki guya-guyang Israel, bo bayongan in bobiagon koḷakian inta muna pinogadí, tua in Akuoi in kitogi.”

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IḶUAIAN 23:19

Pomuḷoi in taong moiko in musti modia mangoi kon baḷoi i Tuhan Allahmu in gandum inta muna-munamai iratab monimu. Tapú in adí in domba ande tapú in adí in bembé diábí motaau poyodungúon takin tubig in teté i inánea.”

MOHOHUTUBA 10:20

Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

IMAMAT 24:15

Mopaḷut mako kon tua potaaudon in soaḷ tanaa kon intau Israel: Ki ine in mogodi-godimai kon i Allah musti momotaan kon tontuḻí in oaidnea

IMAMAT 24:16

bo hukumon matoi. Ki ineka in mogodi-godimai kon i Tuhan musti ara bo in batu in bayongan jamaat dapot in matoi. Hukum tatua pouma kon intau Israel ande kon intau ango-angoi inta ain nogutun notantú kon Israel.

OUMAN IN RASUL MITA 23:3

Dá ki Paulus in noguman kon i imang moḷoben tatua, “Tokaponbí i Allah in iko, sin iko in intau inta momunapik inta ki ubo-uboḷmai motusi! Iko in iḻimitú kon nion sin mohakim kon inakó podudui in hukum i Musa, bokaka iko tontaní in moḷawang kon hukum tatua. Sin iko in nopotabábí kon intau monokap kon inakó!”

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

YUDAS 1:8

Natua doman in intau mita inta moibog momikir kon diá totuu modapot in mogaid kon inta mokokotor kon awak monia tontaní. Mosia tua in mopoompámai kon kawasa i Allah bo moningkuḻe kon malaekat inta momulia kon soroga.

SAMUEL 1 24:10

Nobobui in ki Saul ná tumi bo sinumungkud in ki Daud takin horomat bodongka noguman, “Nongonu sin ki Tuang Datu in mokidongogbí kon singog in intau inta noguman kon akuoi in moibog mopobodito kon i Tuang Datu?

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.