IḶUAIAN 22:27 - Alkitab Singog In Mongondow Masa In Tanaa

²⁷ sin tongábí totobatú tatua in oḻit in awaknea pogoḻingoi kon awak sinbá diá tumonow. Aka diá pobuionmu bui kon inia, yo onupabí in pakéonnea kon wakutu in sia mosiugdon? Aka sia mokuani sin mokituḷung kon i-Nakó, dá indongogan-Kudon in sia sin motabi Akuoi kon inia.

IḶUAIAN 22:27 Mawu Ofanana

SAMUEL 2 16:5

Naonda in ki Daud nodapot kon Bahurim, namangoidon in intau tobatú nongkon tampat tatua, bo kodiug-kodiug kon paanan i datu, nogodi-godimai in sia kon i Daud. Tangoinea in intau tatua in ki Simei adí i Gera, nongkon inanakan i Saul.

DATU MITA IMITÁNEA 2:8

Soaḷ ki Simei adí i Gera nongkon kotá in Bahurim kon butá in Benyamin, oyúon doman in koyowku kon inimu. Kon binayáanku kon Mahanaim, ki Simei tua in koḻipod nogodi-godimai kon inakó totok in moraat. Táe kon singgai noiduduimai, kon dodai in sia namangoi nonontomu kon inakó kon Ongkag in Yordan, akuoi in nongibotdon kon inia pinodoyon kon i Tuhan kon diábí in akuoi moḻimod kon inia.

DATU MITA IMITÁNEA 2:9

Táe naa in koyowku kon inimu: dika pomayá mako in sia moiḷuat nongkon hukuman. Kinotaauankubí kon iko nion in mobijaksana; dá, umpakabí in sia ain nogoguyang, ḷongasidon sinbá hukumon matoi in sia.”

TAWARIKH 2 30:9

Aka moiko bo mobui mogundoi kon i Tuhan, dá intau mita inta nogakut kon ginaḷum motoḷuadímu nobaḻí intau mita inta dinakop, koangoiandon in tabi bo ogoidon monia mobui in mosia. Ki Tuhan Allahmu in ki Allahbí inta mopia bo oyúon kototabi; tarimaan-Neabí in moiko aka moiko mobui mangoi kon i-Nia.”

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 72:12

Sin sia in mopoḷuat kon intau dinorot inta diádon mokopongonu, bo intau bogá inta mokuani kon inia.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

IḶUAIAN 22:23

Aka moiko momia kon moraat kon i monia, yo Akuoi, ki Tuhan in mokidongog kon i monia aka mosia mokuani mokituḷung kon i-Nakó.

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

MOHOHUTUBA 10:20

Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

YESAYA 19:20

Mezbah bo oigi tatua in nobaḻí lambang koangoian i Tuhan Inta Totok in mokawasa kon Mesir. Aka bangusa tatua doroton, bo mosia in mokuani mopoigum in totuḷung kon i Tuhan, yo potabá-Neabí in intau tobatú sin moposaḷamat kon i monia.

ULANGAN 24:10

Aka moiko mopoḷuan in onuka kon tumpaḷa intau, dikabí tumuot kon baḷoinea sin mogamá kon ḷambungnea sin baḻíon jaminan.