IḶUAIAN 22:24 - Alkitab Singog In Mongondow Masa In Tanaa

²⁴ Tumorú in Akuoi bo moḻimod kon i monimu kon bonu in parang, modapot in ki buḷoi monimu mita mobaḻídon dongka boba-bobay, bo ki adí monimu in mobaḻídon diá ko amá.

IḶUAIAN 22:24 Mawu Ofanana

NEHEMIA 5:7

bo nonantúdon kon oyúon in aidanku. Bo sinoboḷowku in guyanga mita in ḻipú bo itoi mita in rayat. Gumanku, “Moiko in mondorotbí kon i utatmu mita tontaní!” Onda intua nomia in akuoi kon bakid noyotakin sin momaḷut kon soaḷ tatua,

AYUB 31:23

Diábí in akuoi mogaid kon natua, sin hukuman i Allah totok in nokoondok kon ginaku.

MAZMUR 109:2

Sin akuoi in sinubu in intau moraat bo mouboḷ inta mongonguman magí-mako bo moponapud in uboḷ kon inakó.

MAZMUR 109:9

Biódon mako in ki adínea mita moton uno-unondon, bo ki buḷoinea bobay in mobaḻídon boba-bobay.

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

MAZMUR 69:24

Biódon mako in mata monia mobilog bo ḻikud monia in tantúdon moḻemé.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

OMBAḶ 5:3

Ki amá nami in iḻimodon in musung; tanaa in ki iná nami in dongkadon boba-bobay, bo kami in uno-unon.

IMAMAT 25:35

Aka intau tobangusamu inta nogutun kon sigad monimu nobaḻí nobogá bo diádon mokotompia kon kobiagannea tontaní dá musti bantungan monimu in sia naonda bo intau ango-angoi ande mokokiangoi, sinbá sia umuranpa mobiag kon sigad monimu.

IMAMAT 25:36

Dika moigum kon kauntungan nongkon onu inta pinoḷuanmu kon inia, táe kotoguondokbí in moiko kon i Allahmu, bo pomayádon mako intau tatua mobiag kon sigad monimu. Dika doman motayak kon kauntungan aka moiko mopotaḷui in kaanon kon inia.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

LUKAS 6:38

Pobogoibí kon intau ibanea; sinbá ogoian doman i Allah in moiko moiḻiu kon inta inogoimu kon intau ibanea.”

ULANGAN 23:21

Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

IBRANI 10:31

Totokdon mokoondok aka kon bonudon in kawasa i Allah inta nobiag!