IḶUAIAN 22:21 - Alkitab Singog In Mongondow Masa In Tanaa

²¹ Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

IḶUAIAN 22:21 Mawu Ofanana

AYUB 6:27

Nodapot in adí uno-unon sinayak monimu in daḷan kobiagannea pinongin nopogonik in undi, yobayatmu modagin inakaḷan monimu sinbá mobaḻí mooyúon.

MAZMUR 146:9

Sia in moḷukad kon intau ango-angoi; Sia in motuḷung kon boba-bobay bo uno-unon, táe moḷamboi kon tomayá in intau moraat.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

IMAMAT 19:33

Dika mopoaid in diá mopia kon intau angoi-angoi inta nogutun kon butámu.

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

IMAMAT 25:35

Aka intau tobangusamu inta nogutun kon sigad monimu nobaḻí nobogá bo diádon mokotompia kon kobiagannea tontaní dá musti bantungan monimu in sia naonda bo intau ango-angoi ande mokokiangoi, sinbá sia umuranpa mobiag kon sigad monimu.

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

ULANGAN 1:16

Kon dodai intua naa in pinoki aidku kon i monia: Indoiai kopia in yogogintaḷaan mita inta nomuká kon sigad in bangusamu. Koadilon in monantú, pinomayá pelekara inta noikabit kon intau tobangusamu andeka inta noikabit kon intau ango-angoi inta nogutun kon sigad monimu.

ULANGAN 10:18

Sia in mopotutui kon hak in adí uno-unon bo inta dongka bobay-bobay sinbá moadil in popoaid kon i monia; Sia motabi kon intau ango-angoi inta nobiag kon yua-yuak in bangusa naton bo mobogoi kon i monia in kaanon bo pakeang.

ULANGAN 10:19

Dá moiko doman in mustibí moponiata in tabimu kon intau mita ango-angoi tatua, sin koḻipod in moiko in nobaḻíbí doman intau ango-angoi kon Mesir.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 23:16

Sia in motaaubí mogutun kon kotámu tobatú podudui in koibognea, bo diábí motaau in totok tonggataan monimu in sia.

ULANGAN 23:7

Dikabí in moiko diá mopandungmai kon intau in Edom sin mosia tua in ki utatmubí. Dikabí doman in moiko diá mopandungmai kon intau in Mesir, sin moiko in nokoimontandon nogutun kon butá monia.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’