IḶUAIAN 22:17 - Alkitab Singog In Mongondow Masa In Tanaa

¹⁷ Táe aka ki amánea diá mobogoi kon ḷoḷaki tatua motonibuḷoi takin i adínea, yo ḷoḷaki tatua mustibí moguboḻi kon i amá in bobay tatua inta kobayongnea podudui in oadatan aka mongodeagapa inta diápa dodai onda in pinobuḷoi.

IḶUAIAN 22:17 Mawu Ofanana

KINOBAḺIAN 23:16

Noibog in ki Abraham kon boḻi inta sinantúnea tatua. Sia in nogiapdon kon doit saḷaka inta pinoguman i Epron inta opat nogatut tatua, podudui in pogogiapan in intau mita mopopotaḷui. Bo inuboḻianneadon kon i Epron, takin koonto-ontong in bayongan intau in Het kon tua.

KINOBAḺIAN 30:20

Gumannea, “Ki Allah ain nobogoi kon inakó in tombuinag inta mogaga totok. Tanaa ki buḷoiku in mogutundon moyotakinku, sin akuoi ain nopolahir in adí ḷoḷaki onom,” tuamai sinangoiannea in adí tatua ki Zebulon.

KINOBAḺIAN 34:12

Pogumandon mongo tombuinag onu in kinoibog monimu, bo tantúdon in kobayong in buḷawan ogoi inta mobaḻí bobogoi kon tonibuḷoinea. Akuoi in mobogoibí in onukadon poigumon monimu, asaḷ bo ogoi monimu in akuoi motonibuḷoi takin adí bobay tatua.”

IMAMAT 20:6

Intau inta mayá moigum kon tonggina kon boḻian inta mogoinímai kon dimukud in intau inta ain minatoi in hukumon-Kubí bo diádon iapon-Ku anggota in umat-Ku.

ULANGAN 18:10

Kon sigad monimu dikabí in moposumba kon i adínea mita mobaḻí kuruban payongon. Bo dikabí tobatúmai in mobaḻí mononanow, motayak kon tanda mita, momaké in totaau ande

ULANGAN 22:29

Kon pelekara tatua in ḷoḷaki tatua musti moguboḻi kon i amá in mongodeaga tatua in bogoi kon tonibuḷoi ḻima nopuḷú in doit saḷaka in kobayongnea. Mongodeaga tatua in mustibí umuran mobaḻí ki buḷoinea sin sia in pinakisadon nosiug takinnea bo kon bonu in kobiagannea sia in diábí motaau gaaton.

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)

SAMUEL 1 28:3

Ki Samuel ain minatoi bo inombaḷan in sia in bayongan intau in Israel bo iḷobong kon Rama, kotánea tontaní. Bo ki Saul in nopoguntundon in bayongan mododoyangow bo doduataan inta nogutun kon Israel.