IḶUAIAN 20:24 - Alkitab Singog In Mongondow Masa In Tanaa

²⁴ Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IḶUAIAN 20:24 Mawu Ofanana

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

SAMUEL 2 6:12

Dinongogdon i Datu Daud kon ki Tuhan in nomarakatdon kon motoḷuadí i Obed-Edom takin bayongan in kapunyaannea popisí in Poti Dodandian tatua. Dá minayádon in sia kon baḷoi i Obed-Edom, nogamá kon Poti Dodandian tatua sin pampingon kon Yerusalem takin pia in gina.

DATU MITA IMITÁNEA 8:29

Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.

DATU MITA IMITÁNEA 8:43

yo igumon mako in nongkon tampat-Mu kon soroga moibogpa in Iko mokidongog kon sambayangnea bo mobogoipa doman kon onu inta pinoigumnea. Pongin natua dá bayongan in bangusa kon dunia naa in monotaaudon kon ini-Mu bo motoindudui kon ini-Mu ná umat-Mu Israel. Kotaauandon monia kon baḷoi inta pinosindogku tanaa in tampatbí pososumbaan kon ini-Mu.

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

DATU MITA 2 5:17

Bo ki Naaman in noguman, “Aka doípa doman in ki Tuang motarima kon onu inta ogoiku, dá ogoipa in akuoi modia mobui kon butá kinobobayongbí in inta kodiaan in bagal topar. Sin, pinangkoi kon tanaa akuoi in tongá bidon moposumba in kuruban kon i Tuhan, bo diá bidon kon ilah mita ibanea mako.

TAWARIKH 2 12:13

Ki Rehabeam nomarenta kon Yerusalem bo kawasa nea in kodugang-kodugangdon moḷoben. Umur in sia 41 notaong kon dodai in nobaḻí datu, bo nomarenta in sia 17 notaong in koonggotnea kon Yerusalem, kotá inta ain piniḻí i Tuhan kon sigad in bayongan in butá in Israel sin mobaḻí tampat posumbaan kon i-Nia. Ki iná i Rehabeam in ki Naama nongkon butá in Amon.

TAWARIKH 2 7:16

Bayongan intua aidan-Ku sin tampat tanaa in piniḻí-Kudon bo sinondí-Kudon mobaḻí tampat poibadaan kon i-Nakó mononoi. Indoian-Kubí intua bo ḷukadan-Ku kinoouputbí in dunia naa.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

NEHEMIA 1:9

Táe aka kami in bui mobui mangoi kon ini-Mu bo dumudui bui kon parenta-Mu mita, dá kami inta ain noirarit tatua in sipunon-Mubí bui, umpakabí kami in kon popod mita in butá. Bo kami in pobuion-Mubí bui kon tampat inta ain piniḻí-Mu mobaḻí tampat pooibadaan kon ini-Mu.

MAZMUR 101:2

Akuoi in monaridi kon kobobiag inta diá in bogit. Moibog degá in Iko mamangoi kon inakó? Akuoi in moibog mobiag motusi kon baḷoiku,

MAZMUR 122:2

Tanaa in kami moiyaputdon kon bonawang in kotá in Yerusalem.

MAZMUR 128:5

Igumon mako nongkon Sion ki Tuhan in momarakat kon inimu. Igumon mako iko in mokoontong kon kobiagan motomoman kon Yerusalem kon bonu in iko mobiagpa!

MAZMUR 134:3

Igumon mako nongkon Sion barakatan in moiko i Tuhan, inta nomaḻí kon ḷangit bo butá!

MAZMUR 74:7

Mosia in noturub kon Baḷoi-Mu nodapot in nodait; bo noponajis in tampat pososumbaan kon ini-Mu.

MAZMUR 76:2

Ki Allah in ponango-nangoian kon Yohuda; tangoi-Nea in noiwayadon kon Israel.

MAZMUR 78:68

Sukubí in Yohuda in piniḻí-Nea, bo Tombuḷud in Sion inta kinotabi-Nea.

IḶUAIAN 10:25

Ki Musa in notubag, “Aka natua ki Tuangku mustibí mobogoi in bobiagon kon inami sin posumba mobaḻí kuruban tubáan kon i Tuhan, ki Allah nami.

IḶUAIAN 18:12

Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

IḶUAIAN 20:25

Aka pomiaan monimu in Akuoi kon mezbah tobatú nongkon batu, yo dika pomiaan nongkon batu inta pakangon, sin aka ḷosion monimu in popakang in batu, yo mezbah tatua in diá bí motaau pakéon kon i-Nakó.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

IḶUAIAN 27:1

“Pomia in mezbah tobatú nongkon kayu akasia. Tonggopaton, kobanat bo kooḷadnea tumpaḷa doyowa nometer bo doyowa nopuḷú nosenti bo koḷantudnea in tometer bo toḷu nopuḷú nosenti.

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

IMAMAT 17:9

kon i Tuhan, yo musti posumbanea intua kon tayowon ngara in Ḷoḷaigan i Tuhan. Aka posumbanea intua kon tampat ibanea, yo sia in diádon motaau poyoiapon anggota in umat i Allah.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:21

Aka tampat inta piniḻí i Tuhan Allahmu tua noiḻiu in yayú nongkon tampatmu, yo moiko in motaaubí moratá kon sapi tobatú, domba ande bembé inta inogoi i Tuhan kon inimu, bo mokaan kon tapúnea kon tampat inta kinoibog monimu, ná inta ain pinogumanku kon inimu.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

ULANGAN 14:23

Kon tayowon i Tuhan Allahmu, kon tampat inta piniḻí-Nea, inta mobaḻí tampat pooibadaan, moiko musti mokaan kon sosumba mopuḷú noporosen nongkon gandum, tubig in anggur, ḷana in zaitun takin adí in sapi bo adí in bembé dombamu inta muna pinogadí. Aidai intua sinbá umuran in moiko mobalajar mohoromat kon i Tuhan Allahmu.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 26:2

dá bungai in boyó inta muna nongkon bayongan inta sinipun monimu nongkon butámu in musti bonuon monimu kon kompé bo diaan monimu kon tampat inta ain piniḻí i Tuhan Allahmu.

ULANGAN 7:13

Sia in motabibí bo momarakat kon i monimu, dá adímu mobarong bo umuran doman kodugang-kodugang in kobarong monia. Sia in momarakatbí kon gobámu mita, dá mobarong in gandum, anggur bo ḷana in zaitun. Sia in momarakatbí kon i monimu dá mobarong in sapi bo bembé dombamu. Bayongan barakat tatua in tarimaanbí monimu kon butá inta inogoi i Tuhan kon inimu, podudui in dandi-Nea kon mogoguyangmu.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.