IḶUAIAN 20:20 - Alkitab Singog In Mongondow Masa In Tanaa

²⁰ Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

IḶUAIAN 20:20 Mawu Ofanana

KINOBAḺIAN 20:11

Ki Abraham in notubag, “Kon bonu in raianku, kon naa in diádon in intau inta motoguondok kon i Allah, dapot in akuoi patoiondon in intau inta moibog kon i buḷoiku.

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

NEHEMIA 5:15

Gubernur mita inta noiuna kon inakó in nokodugangdon kon roriga in rayat sin mosia in monuntut kon opat nopuḷú in doit saḷaka in tosinggai sin pakéon kon pongaanan bo anggur. Moidapot doman in pogawai mita monia in mondorot kon rayat. Táe akuoi in doíbí mogaid kon natua sin moondok in akuoi kon i Allah.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:13

Sin Akuoi ki Tuhan, Allahmu, in mokadai kon ḻimamu koḷanan; Guman-Ku, ‘Dika moondok, Akuoi in motuḷungbí kon inimu.’ ”

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.