IḶUAIAN 20:15 - Alkitab Singog In Mongondow Masa In Tanaa

¹⁵ Dika monakow.

IḶUAIAN 20:15 Mawu Ofanana

IḶUAIAN 21:16

Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

IMAMAT 19:11

Dika monakow, monombodok ande monguboḷ.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

MATIUS 19:18

Intau tatua in noḻibó bui kon i-Nia, “Parenta inta táonda?” Dá kai Yesus, “Donaai moḻimod, donaai monuaḻing, donaai monakow, donaai mongonguman kon uboḷ,

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

SURAT I PAULUS KON JAMAAT RUM 13:9

Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

ULANGAN 24:7

Intau inta nodakop kon intau tobangusanea bo binaḻínea ata ande pinotaḷuinea, yo mustibí hukumon matoi. Aid monimu natua in monginggamábí kon inta moraat tatua.

ULANGAN 5:19

Dika monakow.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.