IḶUAIAN 19:24 - Alkitab Singog In Mongondow Masa In Tanaa

²⁴ Tubag i Tuhan, “Posiḻigdon, bo buidon angoi in naa takin ki Harun. Táe imang mita bo rayat mita in diábí motaau in ḻimimpat kon tomboinig sin mamangoi kon i-Nakó. Aka mosia ḻimimpat, yo hukumon-Ku in mosia.”

IḶUAIAN 19:24 Mawu Ofanana

TAWARIKH 1 13:9

Naonda in mosia nodapot kon tampat poḷoḻidokan kon gandum kapunyaan i Kidon, sapi mita inta nogugut kon roda tatua noigaboḷ, dá ki Uza nopotonggó in ḻimanea bo nokadai kon Poti Dodandian tatua sinbá diá moḷabú.

IḶUAIAN 19:12

Pogaidon kon tomponuot kon ḻibu in buḷud tanaa mobaḻí tomboinig inta diá motaau taḻiban in bangusa tatua. Imaḷowaidon in bangusa tanaa in motakod kon buḷud, modapot in dimiug. Ki ine in tumaḻibdon kon sigadnea, yo hukumon matoi;

IḶUAIAN 19:25

Bo nosiḻigdon in ki Musa poḷat nokipodungkuḷ kon bangusa tatua bo pinotaauneadon in koyow i Tuhan kon i monia.

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

IḶUAIAN 24:9

Onda intua ki Musa, ki Harun, ki Nadab, ki Abihu bo itoi pitu nopuḷú tatua notakod kon buḷud,

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

LUKAS 13:24

“Poramujidon tumuot kon ngara inta mosisí! Sin pokoingat! Mobarongdon totok in intau moramuji in tumuot kon daḷan tatua táe diá mokotuot.

LUKAS 16:16

Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

GALATIA 3:19

Dá aka natua yo onu in mangaḻe pinobogoian kon hukum i Musa? Nanaabí, hukum tatua pinodugang sinbá kotaauan oaid inta noitaḷá, nodapot kon buí inta pinodandi moiangoidon. Hukum i Musa tatua pinogumanbí in malaekat mita kon intau mita.

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

IBRANI 12:29

Sin ki Allah naton in naonda bo tuḷu inta mokopokak.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.