IḶUAIAN 19:22 - Alkitab Singog In Mongondow Masa In Tanaa

²² Nodapot in imang mita inta moibog dimiug kon i-Nakó, musti mondarit kon awak; aka diá, yo mosia in hukumon-Ku.”

IḶUAIAN 19:22 Mawu Ofanana

TAWARIKH 1 15:13

Kon dodai in Poti tatua kon imitánea totok pinamping, moiko in diá in kon tua sin modia kon tua. Tuamai ki Tuhan, Allah naton, nohukum kon inaton sin kita in nosumba kon-Nia táe diá noidudui kon ibog-Nea.”

TAWARIKH 2 30:15

Kon singgai impuḷú bo opat buḷan tatua mosia in noratá kon domba mita sin posumba nobaḻí kuruban in Paska. Imang mita bo intau mita in Lewi inta nonajispa, nooyádon totok. Mosia in nopotusidon in awak dá notaaudon moposumba in kuruban payongon kon Baḷoi Tuhan.

IḶUAIAN 19:24

Tubag i Tuhan, “Posiḻigdon, bo buidon angoi in naa takin ki Harun. Táe imang mita bo rayat mita in diábí motaau in ḻimimpat kon tomboinig sin mamangoi kon i-Nakó. Aka mosia ḻimimpat, yo hukumon-Ku in mosia.”

IḶUAIAN 19:5

Tanaa aka moiko motoindudui kon i-Nakó bo tumoḷutui kon dodandian-Ku, moiko in baḻíon-Ku umat-Ku tontaní. Bayongan in butá tanaa Akuoi in kitogi, táe moiko in baḻíon-Kudon umat-ku inta kotabi-Ku,

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

PINOGIAPAN 11:18

Tanaa potaaudon in naa kon bangusa tatua: Potusidon in awakmu sin singgai ikoḷom; moiko in mokaandon kon ponoyá. Dinongogdon i Tuhan moiko nongombaḷ bo mogamui kon moiko moibog mokaan kon ponoyá, bo moiko ain noguman kon mopia-piabí kon tungkuḷ in nobiag kon Mesir. Tanaa ogoian i Tuhan moiko in ponoyá, bo moiko motaaudon mokaan kon tua.

OUMAN IN RASUL MITA 5:10

Bo noumpag domandon kon dodai intuata in bobay tatua kon tayowonmai i Petrus. Dá naonda in tayowmobiag mita tatua sinumuot, kinobayáanmai monia minatoi domandon in bobay tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.