IḶUAIAN 19:18 - Alkitab Singog In Mongondow Masa In Tanaa

¹⁸ Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 19:18 Mawu Ofanana

KINOBAḺIAN 11:5

Dá ki Tuhan namangoidon sin moindoi kon kotá bo ḷangkeang inta pinosindog in intau.

KINOBAḺIAN 15:17

Naonda in nodoḷomdon, indoianmai yo daḻíbí inontong in tuḷú popoyokan takin poḷombow inta koyongki-yongkit, bo sinumaḻib kon tapú mita inta ain iḷosi-ḷosi tatua.

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 114:4

Buḷud mita in mosimbanan naonda bo bembé, tombuḷud mita in morotayok naonda bo ki adí in domba.

MAZMUR 114:7

Ei butá, kourotdon in kon tayowon i Tuhan, kon tayowon i Allah Yakub,

MAZMUR 144:5

O Tuhan, bukataidon in ḷangit-Mu bo poponagdon, ḻiaidon in buḷud mita sinbá monompoyok.

MAZMUR 18:9

Poyok moiroput nongkon bubú in ngiung-Nea, tuḷú bo baga in ḷumuai nongkon bibig-Nea.

MAZMUR 68:9

butá nodandú, uyan noḷabú kon tayowon-Mu, sin kinoangoian i Allah in Sinai, Ki Allah in Israel.

MAZMUR 77:18

Goḷom mopoḷabú in uyan, gotup mondoradá; kilat monampí magí mako.

MAZMUR 77:19

Gotup mondoradá, kilat in moburiang mako, butá modandú bo mourot.

IḶUAIAN 19:13

intau tatua in mustibí ara bo in batu ande pioton, bo diábí motaau ḻiaion. Naa in popoḷabú kon intau ande kon mahaḷuk; bayongan inta ḻimimpat kon sigad tatua in musti hukumon matoi. Kon dodai in kodongogandon in singog in torompet moḷanggó, intau mita tatua musti motakod kon buḷud.”

IḶUAIAN 19:17

Bo ki Musa in nodia kon i monia iḻumuai sin moyodungkuḷ i Allah, bo mosia in sinimindog kon pangkoi in buḷud tatua.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

IḶUAIAN 3:2

Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

IḶUAIAN 34:2

Posadiadon ikoḷom doḷo-doḷom sin motakod kon Buḷud in Sinai bo tumayow kon i-Nakó kon tudu in buḷud tatua.

YESAYA 6:4

Singog monia nokogugur kon taḷog in Baḷoi Tuhan, bo Baḷoi i Tuhan tatua nopuḻing in poyok.

YESAYA 64:1

Berakdon in ḷangit bo poponagdon, o Tuhan, baḻídon in buḷud mita modandú kon tayowon-Mu,

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

MATIUS 24:7

Sin bangusa bo bangusa mosiparangan bo dodatuan moparang doman takin dodatuan. Moiangoi in wakutu kon bayongan intau kodaitan in kaanon bo ḻinug kon bayongan tampat.

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 4:36

Nongkon ḷangit in Sia mopodongog in singog-Nea kon inimu sin motundú kon i monimu; kon dunia naa Sia nopoontongdon kon inimu in tuḷú-nea inta motoyang, bo nongkon tuḷú tatua nosingog in Sia kon inimu.

ULANGAN 5:22

Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”

ULANGAN 5:4

Nongkon tuḷú kon tudu in buḷud tatua ki Tuhan moibog mongonguman moyogintayowan monimu.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

IBRANI 12:18

Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.

IBRANI 12:26

Kon wakutu intua singog-Nea mokodoḻiok kon dunia naa. Táe tanaa mako Sia in nodandi, “Komintanpa doman Akuoi in mogaid kon inta mokodoḻiok, deemanbí tongá kon dunia naa táe kon ḷangitbí doman.”

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

WAHYU 15:8

Dá Baḷoi i Allah tatua in nopuḻingdon in poyok kamuliaan bo kawasa i Allah. Bo kon dodai in roriga pitu inta dinia in malaekat tatua diápa mopaḷut, yo diábí in tobatúmai intau in motaau tumuot kon Baḷoi Allah tatua.

WAHYU 9:2

Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.

HAKIM MITA 5:5

Buḷud mita in nodandú kon tayowon in pongawasa in Sinai, kon tayowon i Tuhan, Allah in Israel.