IḶUAIAN 19:14 - Alkitab Singog In Mongondow Masa In Tanaa

^14-15 Onda intua ki Musa noponag nongkon buḷud bo nopotabá kon intau mita moposadia sin moibada. Gumannea, “Toumá moiko in musti nosadia, bo tanaa mako moiko in diápa motaau mosiug moyotakin.” Bo bangusa tatua nomangkoidon noposadia bo nomatá kon pakeang monia.

IḶUAIAN 19:14 Mawu Ofanana

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

TAWARIKH 1 15:12

Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IḶUAIAN 19:13

intau tatua in mustibí ara bo in batu ande pioton, bo diábí motaau ḻiaion. Naa in popoḷabú kon intau ande kon mahaḷuk; bayongan inta ḻimimpat kon sigad tatua in musti hukumon matoi. Kon dodai in kodongogandon in singog in torompet moḷanggó, intau mita tatua musti motakod kon buḷud.”

SAMUEL 1 21:5

Ki Daud in notubag, “Notantú bidon kon diábí inaidan monia intua. Tantúbí aka kami mayá moparang, intauku mita in umuranbí moḷukad sinbá mosia in umuran modarit podudui in agama, bokaka biasamai tua in tongábí oaidan mita biasa; apa doman oaidan inta ain sinantú ná tanaa!”