IḶUAIAN 19:11 - Alkitab Singog In Mongondow Masa In Tanaa

¹¹ Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 19:11 Mawu Ofanana

KINOBAḺIAN 11:5

Dá ki Tuhan namangoidon sin moindoi kon kotá bo ḷangkeang inta pinosindog in intau.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

MAZMUR 144:5

O Tuhan, bukataidon in ḷangit-Mu bo poponagdon, ḻiaidon in buḷud mita sinbá monompoyok.

MAZMUR 18:9

Poyok moiroput nongkon bubú in ngiung-Nea, tuḷú bo baga in ḷumuai nongkon bibig-Nea.

IḶUAIAN 19:16

Kon singgai inta nogintoḷu, dodai in doḷo-doḷomneapa nonggotup bo nongilat. Goḷom inta mobunod noitukatdon kon tudu in buḷud bo kinodongogandon singog in torompet inta totok in moḷangon. Bayongan in intau kon ḷoḷaigan urot mako sin moondok.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 19:20

Ki Tuhan noponag kon tudu in Buḷud Sinai, bo nogoiní kon i Musa sin mamangoi kon tudu in buḷud tatua. Dá notakod in ki Musa,

IḶUAIAN 24:16

Sindar kinoangoian i Tuhan noiangoidon kon tudu in buḷud tatua bo inontong intau Israel intua naonda bo tuḷú inta dinumokot kon tudu in buḷud. Onom nosinggai koonggotnea goḷom tatua nongoḷob kon buḷud tatua, bo kon singgai noginpitu nongkon goḷom tatua ki Tuhan nogoiní kon i Musa.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 34:2

Posadiadon ikoḷom doḷo-doḷom sin motakod kon Buḷud in Sinai bo tumayow kon i-Nakó kon tudu in buḷud tatua.

IḶUAIAN 34:5

Dá noponagdon in ki Tuhan kon bonu in goḷom tobatú; Sia in sinimindog takin i Musa kon tampat tatua, bo nonangoi kon tangoi-Nea inta motusi, tuata in Tuhan.

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

YOHANES 6:38

Sin Akuoi in namangoi nongkon soroga deemanbí mamangoi mogaid kon onu inta kinoibog-Ku tontaní, táe mogaidbí kon inta kinoibog-Nea inta nopotabá kon i-Nakó.

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”