IḶUAIAN 19:10 - Alkitab Singog In Mongondow Masa In Tanaa

¹⁰ Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IḶUAIAN 19:10 Mawu Ofanana

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

SAMUEL 2 19:24

Ná doman tua in ki Mepiboset ki ompu i Saul, namangoi doman sin motomu kon i datu. Sia in diá nondarit kon sioḷnea, diá doman nongarug kon kuminea, bo diá nomatá kon pakeangnea pinangkoipa ki Datu Daud nonaḷámai kon Yerusalem nodapot in sia nobui takin saḷamat.

TAWARIKH 2 29:34

Imang mita inta ain nopotusi in awak monia in noyakag dá diá nokodait nonaip kon bayongan in biag tatua. Tuamai mosia in binantungan in intau mita in Lewi, sin intau in Lewi in mosati-satia kon atorang in potusian. Mosia in tantúbí nobantung nodapot in tugatdon in imang inta ain nopotusi in awak.

TAWARIKH 2 29:5

bo noyosingog in sia takin i monia kon tua. Sia in noguman, “Moiko intau mita in Lewi, musti mopotondí in awak monimu kon i Tuhan, bo mopotusi in Baḷoi Tuhan, Allah in mogoguyangmu. Bayongan inta mokonajis kon baḷoi tatua mustibí poyayúon.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

IMAMAT 15:5

Ki ine in moḻiai kon intau oyúon in ḷumoḷayat tatua ande moḻiai kon pinosiugannea, ande ḻimitú kon tampat inta ain iḻitúannea ande dinuyáan in intau tatua, yo musti in sia momatá kon pakeangnea bo moinggú, táe sia monajispabí modapot kon mata in singgai tumoyopdon.

PINOGIAPAN 11:18

Tanaa potaaudon in naa kon bangusa tatua: Potusidon in awakmu sin singgai ikoḷom; moiko in mokaandon kon ponoyá. Dinongogdon i Tuhan moiko nongombaḷ bo mogamui kon moiko moibog mokaan kon ponoyá, bo moiko ain noguman kon mopia-piabí kon tungkuḷ in nobiag kon Mesir. Tanaa ogoian i Tuhan moiko in ponoyá, bo moiko motaaudon mokaan kon tua.

PINOGIAPAN 19:19

Musti in sia momisik kon singgai nogintoḷu bo kon singgai noginpitu. Kon singgai noginpitu tatua nopaḷutdon in upacara ponusian kon intau inta nonajis tatua. Intau tatua musti momatá kon pakeangnea bo moinggú. Pangkoion kon tumoyop mata in singgai sia in modaritdon.

PINOGIAPAN 31:24

Kon singgai noginpitu moiko in musti momatá kon pakeangmu, bain tua bo moiko in diádon nonajis, bo motaaudon tumuot kon pinononḷoḷaigan.”

PINOGIAPAN 8:21

Intau mita in Lewi tatua momia kon upacara pondaritan kon awak bo momatá kon pakeang monia, bo ki Harun moposumba kon i monia mobaḻí oogoi inta ain sinantú kon i Tuhan. Sia in momia doman kon upacara pondaritan kon i monia.

PINOGIAPAN 8:7

nanaa in pogogaid: pisikai in tubig in mosia mobaḻí upacara pondaritan bo pokikarugdon in bayongan bubuḷ kon awak monia bo momatá kon pakeang monia. Tua in aidan monia bá modaritdon in mosia.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.