IḶUAIAN 18:26 - Alkitab Singog In Mongondow Masa In Tanaa

²⁶ Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

IḶUAIAN 18:26 Mawu Ofanana

DATU MITA IMITÁNEA 10:1

Datu bobay kon butá in Syeba nokodongogdon kon habar soaḷ ki Salomo. Dá namangoi in sia kon Yerusalem sin monungkuḷ kon i Salomo takin nobogoi in tangkí mita inta mongobogat raion.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

IḶUAIAN 18:22

Bo mosia in mobaḻídon hakim kon bangusa tanaa, mobaḻí hakim in mosia kon paanan monia tontaní. Oaidan tatua in musti aidan monia kotompiaan. Pelekara mita inta moponting motaau potaau monia kon inimu, táe aka yogogintaḷaan mita mongogaan motaaupabí tongá paḷuton monia tontaní. Natua sinbá mogaandon in oaidanmu sin mosia in moduḷudon mogaid kon oaidanmu mita.

ULANGAN 1:17

Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

ULANGAN 17:8

Aka oyúon in pelekara inta diá motaau putuson in hakim mita kon tua sin totuu mororiga, umpamanea pelekara poḻimodan inta sinuod ande diá sinuod, bobayowan soaḷ kapunyaan ande mositompaḻían kon awak, yo moiko in mustibí mayá kon tampat inta piniḻí i Tuhan Allahmu.