IḶUAIAN 18:21 - Alkitab Singog In Mongondow Masa In Tanaa

²¹ Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

IḶUAIAN 18:21 Mawu Ofanana

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

KINOBAḺIAN 42:18

Kon singgai intoḷunea ki Yusup in noguman kon i monia, “Akuoi naa in intau inta moondok bo motoindudui kon i Allah. Moiko in poḷuaionku takin tobatú sarat.

KINOBAḺIAN 47:6

Anggapdon butá in Mesir naa ná doman onda bo butámu tontaní. Pomayádon mako in mosia mogutun kon butá in Gosyen, butá inta totok in mopia kon sigad in butá mita kon naa. Bo aka oyúon in kotaauanmu kon sigad monia in mopandoi monombobiagon yo pokiḷukadaidon in bobiagonku.”

SAMUEL 2 18:1

Ki Datu Daud in nosipun kon bayongan in intaunea, bo sinilai-silainea, oyúon in tumongoribu bo oyúon in tumogogatut in intau. Onda intua dinuínea in porwira nobaḻí tongguḷu in pinonobatúan mita tatua.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

DATU MITA IMITÁNEA 18:3

Tuamai in ki Ahab nogoiní kon i Obaja mamangoi kon tayowonnea. (Ki Obaja in tongguḷu in mononompia kon motoḷuadí kon komaḻig. Sia in intau inta totu-totuu mosumba kon i Tuhan.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

NEHEMIA 5:9

Bo Gumanku bui, “Aidmu tua in diábí mopia! Mustibí in moiko mobiag takin motoguondok kon i Allah. Dá musung naton inta diá ko Tuhan tua in diá ogoian monimu in kasampatan moningkuḻe kon inaton.

NEHEMIA 7:2

Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

AYUB 31:13

Kon dodai in bobantungku nogamui sin haknea in pinotaḷáku, inindongoganku in sia bo pinoyotutuiku pinongin gina motuḻid.

MAZMUR 15:1

Mazmur i Daud. Tuhan, ki ine in motaau mogutun kon Ḷoḷaigan-Mu bo umutun kon tombuḷud-Mu inta motusi.

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

IḶUAIAN 17:9

Guman i Musa kon i Yosua, “Pomiḻídon kon tongonumai intau sin moparang takin intau in Amalek. Ikoḷom akuoi in simindog kon tudu in buḷud bo mokadai kon tungkud inta pinoki dia i Allah.”

IḶUAIAN 18:25

bo sia in nomiḻídon kon tongonumai intau mita mobijaksana kon sigad in bangusa Israel. Sinundúnea in mosia nobaḻí itoi kon paanan intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú.

AMSAL 28:2

Aka bangusa baradosaan, pongawasanea in umuran baḷuian; aka itoi bo mobijaksana, yo bangusa in umuranbí koḷukadan bo tantúbi ponango-nangoian.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

YESAYA 16:5

Onda intua intau tobatú nongkon buí i Daud in mobaḻí datu, bo sia in momarenta kon bangusanea podoyon kon tabi bo satia. Sia in moposindog in inta moadil bo moḷamemet in mogaid kon inta mobanar.)

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

ZAKHARIA 7:9

“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau.

ZAKHARIA 8:16

Naa in parenta mita inta musti aidan monimu: Aka mosingog, singogdon inta totuu kon tumpaḷa intau. Ogoi in bontow in tosingogon inta moadil bo inta modia kon modame.

PINOGIAPAN 1:4

Kon batúan in suku, poigumaidon kon itoi tobatú nongkon suku tatua sin mobantung kon i monimu.”

PINOGIAPAN 10:4

Táe aka tongá tobatú in irupon, dá tongábí itoi mita in moyosipun bo ḻimibu kon inimu.

LUKAS 18:2

Ki Yesus in noguman, “Aka tobatú kotá oyúon in hakim inta diá moondok kon i Allah bo diá doman mopandungmai kon kasusahan in intau.

LUKAS 18:4

Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

OUMAN IN RASUL MITA 20:33

Diápabí kon dodai onda akuoi nohaga in doit andeka pakeang nongkon intau ibanea.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

ULANGAN 22:18

Dá guhanga mita in ḻipú musti mogoiní kon ḷoḷaki tatua bo momongkug kon inia.

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

YOSUA 22:14

Noyotakin i Pinehas minayá doman in mopuḷú in guhanga mita in ḻipú in bangusa Israel, – tumongo batu in kon tongo suku kon dotá in toyopan kon Ongkag in Yordan, mosia tua in tongguḷu in motoḷuadí kon bonu inanakan monia.

SAMUEL 1 8:12

Ibanea in binaḻínea porwira inta mobaḻí itoi kon intau toribu, bo ibanea in mobaḻí itoi kon intau ḻima nopuḷú. Datu tatua in momakisa kon i adímu mita momajeko kon gobánea, monoinut kon bungai in boyónea, momia kon ḷoḷutamnea mita bo pakakat mita in kereta parangnea.

SAMUEL 1 8:3

Táe mosia in diá dinumudui kon dodia i amá monia, táe tongábí motayak kon kauntungan monia tontaní. Mosia in moibog uboḻian kon pelekara bo diá moadil in mohakim kon rayat.