IḶUAIAN 18:20 - Alkitab Singog In Mongondow Masa In Tanaa

²⁰ Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

IḶUAIAN 18:20 Mawu Ofanana

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

IḶUAIAN 18:16

Aka mosia moyogintaḷá, mosia mamangoi in kon inakó sinbá momaḷut kon pelekara monia, bo potaauku kon i monia in parenta bo hukum mita i Allah.”

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YEREMIA 42:3

sinbá poontongpa kaasí i Tuhan Allah mongo kon onda in musti bayáan nami bo onu in musti aidan nami.”

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

ULANGAN 1:18

Kon dodai doman intuata akuoi nobogoi in topotundú mita kon i monimu soaḷ yagi-yagi inta musti aidan monimu.”

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:27

Tuamai, bayádon Musa, bo indongogai in bayongan inta pinoguman i Tuhan Allah naton, bo potaaudon kon i nami onu in pinoguman-Nea kon inimu. Indongoganbí bo duduian nami.’

ULANGAN 7:11

Dá duduiaidon in bayongan hukum inta pinotaauku kon inimu singgai in naa.”

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.