IḶUAIAN 18:19 - Alkitab Singog In Mongondow Masa In Tanaa

¹⁹ Indongogaipa in singogku naa, bo tuḷunganbí i Allah in iko. Totuubí doman kon mopiabí aka iko mobaḻí toḻiu in bangusa tanaa kon tayowon i Allah bo modia kon yagi-yagi inta mokorogenggeng kon umat bo potaau kon i-Nia.

IḶUAIAN 18:19 Mawu Ofanana

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

SAMUEL 2 14:17

Noyakinbí in akuoi kon dandi i Tuangku tatua in mokojaminbí kon kasaḷamatanku sin ki Tuangku naa in naonda bo malaekat i Allah, inta motaau mopoyoposi kon onu inta mopia bo onu inta moraat. Igumon mako ki Tuhan Allah i Tuangku koyota-yotakin i Tuangku!”

IḶUAIAN 18:15

Ki Musa in notubag, “Intau mita tatua mamangoi kon inakó sin moḻibó mongo onu in kinoibog i Allah.

IḶUAIAN 18:20

Musti tundúonmu in parenta mita i Allah kon i monia bo insilangan naonda in kobobiag inta mopia bo onu in musti pomiaan monia.

IḶUAIAN 18:24

Ki Musa in dinumudui kon tonggina i Yitro,

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 4:12

Tanaa mako, bayádon, Akuoi in motuḷung kon inimu mosingog bo motundú kon onu inta musti pogumanmu.”

IḶUAIAN 4:16

Sia in mustibí mosingog podoyon kon tangoimu kon tayowon in umat. Sia in mobaḻí tondoḷ in bibigmu bo iko inanggapnea naonda bo ki Allah inta moguman kon onu inta musti singogonnea.

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

PINOGIAPAN 27:5

Bo pelekara monia tatua pinotaau i Musa kon i Tuhan,

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 5:5

Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”