IḶUAIAN 17:15 - Alkitab Singog In Mongondow Masa In Tanaa

¹⁵ Bo ki Musa noposindog in mezbah tobatú bo sinangoiannea “Ki Tuhan in Banderaku.”

IḶUAIAN 17:15 Mawu Ofanana

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

MAZMUR 60:4

Iko in nodandú kon butá dá noḷau; tompiadon in inta nongobotak, popisí in butá nodandú.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

IḶUAIAN 27:1

“Pomia in mezbah tobatú nongkon kayu akasia. Tonggopaton, kobanat bo kooḷadnea tumpaḷa doyowa nometer bo doyowa nopuḷú nosenti bo koḷantudnea in tometer bo toḷu nopuḷú nosenti.

IḶUAIAN 32:5

Bo ki Harun noposindog in mezbah tobatú kon tayowon sapi buḷawan tatua bo poḷat nopotaau, “Ikoḷom oyúon in rame sin mohoromat kon i Tuhan.”

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.