IḶUAIAN 16:35 - Alkitab Singog In Mongondow Masa In Tanaa

³⁵ Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

IḶUAIAN 16:35 Mawu Ofanana

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

PINOGIAPAN 32:13

Ki Tuhan sinumorú kon bangusa Israel dá pinomayá-Neadon mako in bangusa tatua kon padang gurun opat nopuḷú notaong in koonggotnea nodapot in bayongan intau topobiagan inta ain nomarontak kon i-Nia minatoidon komintan.

PINOGIAPAN 33:38

Podudui in parenta i Tuhan, ki Imang Harun notakod kon Buḷud in Hor. Kon tua minatoi in sia kon singgai imitánea buḷan noginḻima kon taong noginggopat nopuḷú naonda in umat Israel nonaḷámai kon Mesir. Umur i Harun kon dodai in minatoi in 123 notaong.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

KORINTUS 1 10:3

Mosia komintan in nokaan kon kaanon inta ain sinantú i Tuhan kaanon monia,

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

ULANGAN 8:4

Kon bonu in opat nopuḷú notaong naa pakeangmu diábí nobaḻí nokoyongan bo sioḷmu in diábí doman nobobagá.

YOSUA 5:12

Kon singgai doman tatua manna diádon noḷabú nongkon ḷangit, bo intau in Israel nogogaidon nokaan kon manna. Nongkon dodaidon intua mosia nokaan kon bungai in boyó kon butá in Kanaan.