IḶUAIAN 16:20 - Alkitab Singog In Mongondow Masa In Tanaa

²⁰ Táe tongonumai kon sigad monia tua diá mopandungmai kon tosingogon i Musa tatua. Mosia in notagú doman kon tosilai nongkon kaanon tatua. Nopoikoḷomai kon singgai inindoianmai kaanon tatua inuḷodon bo nobongkog domandon; dá ki Musa in sinumorú kon i monia.

IḶUAIAN 16:20 Mawu Ofanana

IḶUAIAN 16:19

Ki Musa in noguman kon i monia, “Ki inekabí diábí motaau motagú kon kaanon tatua tongákabí topiḻik sin kaanon mopoikoḷomai kon singgai.”

IḶUAIAN 16:21

Pomuḷoi in doḷo-doḷom mosia in mosipun kon kaanon tatua kobayong inta paraḷuon monia, bo aka mopatúdon in singgai dá kiagat in kaanon inta kon butá ḷumoḷayatdon.

IḶUAIAN 16:24

Dá kaanon inta noiḻiu tatua sinagú monia sin kaanon ikoḷom ná inta ain pinoguman i Musa; kaanon tatua diábí nobongkog bo diábí doman inuḷod.

PINOGIAPAN 12:3

Ki Musa naa in intau inta moompá totok in dodia, noiḻiu kon bayongan intau inta nobiag kon dunia naa.

PINOGIAPAN 16:15

Ki Musa sinumorú totok bo noguman kon i Tuhan, “Tuhan, dika motarima kon sosumba monia. Diábí dodai in onda in akuoi nokoporugimai kon tobatúmai intau kon sigad monia; nodapot in diábí doman dodai in onda akuoi nogamá kon tongáka keledai tobatú nongkon i monia.”

MATIUS 6:19

“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

MARKUS 10:14

Nokoontongmai kon aid in murí-Nea mita natua, sinumorú in ki Yesus bo noguman kon i monia, “Pomayádon mako in mongoadí mita tanion in mamangoi kon i-Nakó! Dika ḷamboian in mosia, sin intaubí mita ná mosia naa in mobaḻí anggota in umat i Allah.

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”