IḶUAIAN 16:15 - Alkitab Singog In Mongondow Masa In Tanaa

¹⁵ Naonda intau Israel nokoontong kon tua, diá kinotaauan monia mongo onu intua. Dá nosiḻibóandon in mosia, “Onu intua?” Bo ki Musa in noguman kon i monia, “Tuata in kaanon inta inogoi i Tuhan kon i monimu.

IḶUAIAN 16:15 Mawu Ofanana

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 105:40

Mosia in nopoigum, bo pinopoangoi-Neadon in ḷagapan onggo-onggoyung, mosia in inogoian-Nea in roti nongkon soroga nodapot in nobotug.

MAZMUR 78:24

Pinoonag-Nea in gandum nongkon soroga, manna ogoi kaanon monia.

IḶUAIAN 16:31

Kaanon tatua in sinangoian manna pinonangoi in intau Israel. Batangannea in naonda bo batoḷ mita mongointok bo nongobudó, nanamnea in naonda bo kukis inta binauian in biluk.

IḶUAIAN 16:33

Ki Musa noguman kon i Harun, “Gamádon in kuyon tobatú, bo bonuaidon in manna doyowa noliter bo poukatdon kon tayowon i Tuhan sin tagúon kon buí naton.”

IḶUAIAN 16:4

Ki Tuhan noguman kon i Musa, “Tanaa in poponag-Kudon in kaanon inta mobarong totok ná uyan sin kaanon monimu komintan. Pomuḷoi in singgai moiko in musti mosipun kon kaanon tatua inta tugat kaanon tosinggai. Natuata in pononungkuḷ-Ku kon umat-Ku sinbá kotaauan-Ku mongo motoindudui in mosia kon parenta-Ku andeka diá.

AMSAL 9:5

“Koḻigai mokaan kon kaanonku bo monginum kon anggur inta ain pinomiaku.

PINOGIAPAN 21:5

bo nongunsingogdon kon i Allah bo kon i Musa. Mosia noguman, “Nongonu sin diniamubí in kami iḻumuai nongkon Mesir? Eta degá makusud moḻimod kon inami kon padang gurun tanaa? Kon naa in diábí in kaanon, bo diá doman in tubig. Motompokdon in kami mokaan kon kaanon ḻiaw nanaa!”

LUKAS 12:30

Sin tua in oaidbí in intau mita inta diá mopirisaya kon i Allah. Bokaka kinotaauan bidon i Allah kon komintan tua in paraḷubí doman totok monimu.

YOHANES 6:49

Mogoguyang monimu in nokaandon kon manna kon padang gurun bo mosia ain minatoi.

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

KORINTUS 1 10:3

Mosia komintan in nokaan kon kaanon inta ain sinantú i Tuhan kaanon monia,

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

YOSUA 5:12

Kon singgai doman tatua manna diádon noḷabú nongkon ḷangit, bo intau in Israel nogogaidon nokaan kon manna. Nongkon dodaidon intua mosia nokaan kon bungai in boyó kon butá in Kanaan.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”