IḶUAIAN 15:27 - Alkitab Singog In Mongondow Masa In Tanaa

²⁷ Nopaḷut mako kon tua mosia nodapotdon in tampat inta tangoinea Elim. Kon tua oyúon in bokaká mopuḷú bodoyowá takin pitu nopuḷú in pangkoi in kurma. Mosia in nogaid kon ḷoḷaigan kon diug in tubig tatua.

IḶUAIAN 15:27 Mawu Ofanana

MAZMUR 23:2

Sia in nopouḻid kon inakó kon rawang in bonok inta noḷunow. Sia in nokapit kon inakó minayá in tubig inta noḷonong.

IḶUAIAN 16:1

Bo bayongan intau Israel nobuat nongkon Elim, bo kon tanggal mopuḷú bo ḻima buḷan nogindua naonda in mosia nonaḷámai kon Mesir, nodapotdon in mosia kon padang gurun Sin, kon sigad in Elim bo Buḷud in Sinai.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YEHEZKIEL 47:12

Kon kinoouput in bingkí in ongkag tatua nobiag in noyagi-yagimai in pangkoi in ayop. Daun in pangkoi in kayu mita tatua in diábí moḷaḷo-ḷaḷow, bo bungainea in diábí modai-dait. Pangkoi mita tatua in mopomungaibí in bungai in ayop inta mobagu pomuḷoi in buḷan, sin tubig inta nomuntad kon inia in noiḻig nongkon Baḷoi Tuhan. Bungainea mita in nobaḻí kokaanon bo daunnea mita in pakéon mobaḻí undam.”

PINOGIAPAN 33:9

Nongkon tua mosia nongingguput kon binayáan bo nomia kon ḷoḷaigan kon Elim; kon tua oyúon in bokaká mopuḷú bodoyowá bo pitu nopuḷú in pangkoi in kurma.

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”