IḶUAIAN 15:19 - Alkitab Singog In Mongondow Masa In Tanaa

¹⁹ Kon tungkuḷ in intau Israel iḷumoḷan kon dagat, mosia in minayá-mayá kon apad in dagat inta noingkag. Táe naonda in kereta mita intau in Mesir takin kabaḷonea bo intau mita inta nodia sinumuot kon dagat, pinoyobuidon i Tuhan in tubignea nodapot in mosia nongoḷomot.

IḶUAIAN 15:19 Mawu Ofanana

AMSAL 21:31

Umpakabí parang sinontouḷutan in kabaḷo in parang, inta monantú kon kauntungan in ki Tuhanbí.

YESAYA 43:17

Sia in nopotabá in tontara bo porwira-Nea mita noparang, bo mosia in minayá nomaké in kereta inugut in kabaḷo. Táe noḷabú in mosia, diádon nokobangon bui, mosia in minatoi naonda bo sumbu inta nopiong.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

YOSUA 4:23

Ouman kon i monia kon ki Tuhan Allahmu nopoingkag kon tubig in Ongkag in Yordan tatua sin bayáan monimu nodapot in moiko komintan noyaputdon kon ḷoḷan, naonda bo pinogogingkag-Nea kon Dagat in Gelagah sin bayáan nami,