IḶUAIAN 14:27 - Alkitab Singog In Mongondow Masa In Tanaa

²⁷ Bo ki Musa nopotundú domandon in ḻimanea kon dagat bo kon tungkuḷ in doḷo-doḷomdon, tubig nobuidon ná kaadaannea inta muna. Intau mita in Mesir moramuji moposaḷamat in awak monia, táe iḷomot i Tuhan in mosia kon bonu in dagat.

IḶUAIAN 14:27 Mawu Ofanana

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 106:11

Táe tubig in noḷomot kon musung monia; diá tobatúmai in kinotaḻiban.

MAZMUR 136:15

Táe datu in Mesir bo tontaranea in iḷomot-Nea; tabi-Nea in umuran mononoi.

MAZMUR 78:53

Kon bonu in tongganut-Nea moaman in mosia bo diá moondok, umpaka musung monia noḷomot kon bonu in dagat.

YESAYA 10:26

Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

ULANGAN 11:4

Moiko nokoontong kon naonda in ki Tuhan noyompat kon tontara in Mesir takin bayongan in kabaḷo bo kereta in parang monia. Mosia iḷomot komintan kon Dagat in Gelagah naonda in yogot mogaḷow kon i monimu.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.

YOSUA 4:18

Naonda in yaput in imang mita tatua kon bingkí in ongkag, tubig in ongkag tatua buidon noiḻig bo noiḻebetdon ná dungkuḷ.