IḶUAIAN 14:26 - Alkitab Singog In Mongondow Masa In Tanaa

²⁶ Guman i Tuhan kon i Musa, “Potundúdon in ḻimamu kon dagat, dá tubig in buidon moyobui, bo moḷomot kon intau mita in Mesir, kon kereta mita bo mododianea.”

IḶUAIAN 14:26 Mawu Ofanana

IḶUAIAN 1:22

Dá ki datu in nomarenta nanaa kon bayongan in rayatnea, “Bayongan adí ḷoḷaki intau Ibrani inta bagu pinononggadí musti pogonag kon Ongkag in Nil, táe bayongan adí monia bobay pomayádon mako in mobiag.”

IḶUAIAN 14:16

Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

IḶUAIAN 15:1

Bo ki Musa takin intau mita in Israel nopodondong in dondong tanaa sin modayow kon i Tuhan, “Akuoi in moibog modondong kon i Tuhan, sin moḷobenbí in kawasa-Nea. Bayongan in kabaḷo bo intau inta sinumakoi pinogambat-Nea kon bonu in dagat.

IḶUAIAN 15:4

Tontara in Mesir bo bayongan keretanea pinogambat-Nea kon bonu in dagat. Itoi mita in tontara inta mongoroton noḷomot kon Dagat in Gelagah.

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 8:5

Ki Tuhan noguman kon i Musa, “Potabádon in ki Harun motonggó kon tungkudnea kon tombutungmai in ongkag mita, got mita bo tabang mita sinbá tumpaḷak mita tatua moitukatdon mita bo mopuḻingdon butá in Mesir.”

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

MATIUS 8:27

Mosia in nongoherang bo noguman, “Ki inebí degá in Sia naa, sin tompot bo danow in dumuduibí kon tosingogon-Nea!”

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”